Հայաստանի լավագույն թենիսիստուհի Էլինա Ավանեսյանը չի մասնակցի վաղը Մելբուռնում մեկնարկող Մեծ սաղավարտի 2026 թվականի առաջին մրցաշարին՝ Australian Open-ին։ Մարզուհին, որ անցած մրցաշրջանում ուսի վնասվածքի պատճառով չէր մասնակցել մի ամբողջ շարք մրցումների, ապաքինվում էր եւ հընթացս պատրաստվում նաեւ Ավստրալիայի բաց առաջնությանը։ Սակայն, մեր տեղեկություններով, վերականգնման գործընթացը ամբողջությամբ դեռ չի ավարտվել, եւ Էլինան որոշել է չմեկնել Ավստրալիա։