اوپن اے آئی نے کہا ہے کہ وہ چیٹ جی پی ٹی کا پریمیم ورژن استعمال نہ کرنے والے صارفین کو جلد اشتہار دکھانا شروع کر دے گا۔ مصنوعی ذہانت بنانے والی اس کمپنی نے جمعے کو بتایا کہ ابھی تک اشتہارات متعارف نہیں کرائے گئے لیکن آنے والے ہفتوں میں ان کا تجربہ شروع کیا جائے گا۔ یہ سان فرانسسکو میں قائم کمپنی کی چیٹ جی پی ٹی کے 80 کروڑ سے زائد صارفین، جن میں سے زیادہ تر اسے مفت استعمال کرتے ہیں، سے کسی طرح آمدنی حاصل کرنے کی تازہ کوشش ہے۔ اگرچہ کمپنی کی مالیت 500 ارب ڈالر ہے لیکن اس کا خرچہ اس کی آمدن سے کہیں زیادہ ہے اور یہ منافع کمانے کے طریقے تلاش کر رہی ہے۔ اوپن اے آئی میں اپلیکیشنز کی سی ای او فجی سیمو نے ایک سوشل میڈیا پوسٹ میں کہا ’سب سے اہم بات یہ ہے کہ اشتہارات چیٹ جی پی ٹی کے دیے جانے والے جوابات کو متاثر نہیں کریں گے۔‘ اوپن اے آئی کا کہنا ہے کہ ڈیجیٹل اشتہارات چیٹ جی پی ٹی کے جوابات کے نیچے اس وقت ظاہر ہوں گے ’جب آپ کی موجودہ گفتگو سے متعلق کسی سپانسرڈ مصنوعات یا سروس کا امکان موجود ہو۔‘ کمپنی کے مطابق اشتہارات ’واضح طور پر لیبل کیے گئے ہوں گے اور اصل جواب سے الگ دکھائے جائیں گے۔‘ اوپن اے آئی کے دو بڑے حریف گوگل اور میٹا برسوں سے ڈیجیٹل اشتہارات پر حاوی ہیں اور پہلے ہی اپنی کچھ اے آئی خصوصیات میں اشتہارات دکھاتے ہیں۔ ابتدا میں بہتر انسان دوست اے آئی بنانے کے محفوظ مشن کے ساتھ ایک غیر منافع بخش تنظیم کے طور پر قائم ہونے والی اوپن اے آئی نے گذشتہ سال اپنی ملکیتی ساخت تبدیل کرکے خود کو ایک پبلک بینیفٹ کارپوریشن بنا لیا تھا۔ کمپنی نے جمعے کو کہا کہ اشتہارات کا حصول اس کے اصل مشن، یعنی انسانیت کو فائدہ پہنچانے والی اے آئی، کی حمایت میں ہو گا۔ سینٹر فار ڈیموکریسی اینڈ ٹیکنالوجی کی میرینڈا بوگن کے مطابق تاہم ذاتی نوعیت کے اشتہارات متعارف کروانا اوپن اے آئی کو ایک ’خطرناک راستے‘ پر ڈال دیتا ہے، جو پہلے سوشل میڈیا کمپنیوں نے اختیار کیا تھا۔ سی ڈی ٹی کی اے آئی گورننس لیب کی ڈائریکٹر بوگن کہتی ہیں ’لوگ چیٹ بوٹس کو مختلف وجوہات کے لیے استعمال کرتے ہیں، جن میں ساتھی یا مشیر کے طور پر بھی شامل ہے۔ ’جب یہ ٹول صارف کے بھروسے کا فائدہ اٹھاتے ہوئے اشتہارات بیچنے لگے تو داؤ بہت بڑا ہو جاتا ہے۔‘ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) اوپن اے آئی کچھ آمدنی سبسکرپشنز سے کماتا ہے مگر اسے ان کمپیوٹر چپس اور ڈیٹا سینٹرز کے کھربوں ڈالر کے اخراجات پورے کرنے کے لیے مزید آمدنی کی ضرورت ہے جو اس کی اے آئی سروسز کو طاقت فراہم کرتے ہیں۔ یہ خدشہ کہ اوپن اے آئی اپنے بڑے حمایتیوں، جیسے اوریکل اور این ویڈیا،کی توقعات پوری کرنے کے لیے کافی پیسہ نہیں کما سکے گا، سرمایہ کاروں میں اے آئی ببل کے حوالے سے تشویش کو بڑھا رہا ہے۔ اوپن اے آئی کے سی ای او سیم آلٹ مین نے جمعے کو ایکس پر لکھا ’ہمارے لیے یہ بات واضح ہے کہ بہت سے لوگ بہت زیادہ اے آئی استعمال کرنا چاہتے ہیں اور اس کے لیے ادائیگی نہیں کرنا چاہتے، اس لیے ہمیں امید ہے کہ اس طرح کا بزنس ماڈل کام کرے گا۔‘ انہوں نے مزید کہا کہ انہیں میٹا کے انسٹاگرام کے اشتہارات پسند ہیں کیونکہ وہ انہیں ایسی چیزیں دکھاتے ہیں جو وہ خود سے کبھی نہ ڈھونڈ پاتے۔ اوپن اےفارسٹر کے تجزیہ کار پیڈی ہیرنگٹن کہتے ہیں کہ آئی کا دعویٰ ہے کہ وہ صارفین کی ذاتی معلومات یا پرامپٹس کو اشتہارات کے لیے ڈیٹا اکٹھا کرنے میں استعمال نہیں کرے گا، لیکن سوال یہ ہے کہ ’آخر کب تک؟‘ ہیرنگٹن کے مطابق ’مفت خدمات کبھی واقعی مفت نہیں ہوتیں اور یہ عوامی اے آئی پلیٹ فارم آمدنی پیدا کرنے کے لیے مجبور ہیں۔‘ انہوں نے مزید کہا ’جس سے وہ مشہور کہاوت درست ثابت ہوتی ہے: اگر سروس مفت ہے تو پھر اصل میں آپ خود ہی پروڈکٹ ہیں۔‘ مصنوعی ذہانت چیٹ جی پی ٹی اوپن اے آئی کے مطابق اشتہارات چیٹ جی پی ٹی کے دیے جانے والے جوابات پر اثرانداز نہیں ہوں گے۔ اے پی ہفتہ, جنوری 17, 2026 - 16:30 Main image:

20 فروری، 2025 کو لندن میں لی گئی اس تصویر میں چیٹ جی پی ٹی کی ایپ اور ویب سائٹ کو فون اور لیپ ٹاپ کی سکرینوں پر دکھایا گیا ہے (اے ایف پی)

ٹیکنالوجی type: news related nodes: چار کروڑ لوگ چیٹ جی پی ٹی سے روزانہ طبی مشورہ لیتے ہیں: اوپن اے آئی نائن الیون سے چیٹ جی پی ٹی تک: 25 سال میں دنیا کتنی بدلی؟ گوگل نے چیٹ جی پی ٹی کو کیسے پیچھے چھوڑا؟ مصنوعی ذہانت 2026 میں تیل کی طلب میں اضافہ کر سکتی ہے؟ SEO Title: مفت چیٹ جی پی ٹی کا دور ختم، جلد اشتہار چلیں گے copyright: show related homepage: Hide from Homepage