Индонезискиот авион АТР 42-500 со 11 патници денеска исчезна од радарите во близина на Макашар. Авионот на индонезиското Министерство за поморски работи и рибарство и превезувал 11 лица, осум членови на екипажот и тројца патници. Авионот исчезнал од радарите додека се приближувал кон аеродромот во Макашар, откако добил насоки за слетување од контролната кула. Локалните медиуми објавија дека на планината Булу Сараунг, каде леталото изгуби контакт, забележани се остатоци. Индонезиските власти сè уште официјално не потврдија уривање на авионот, само истакнаа дека се испратени спасувачки екипи. (МИА)