Kvikmyndin Sentimental value var valin besta mynd ársins á Evrópsku kvikmyndaverðlaununum sem haldin voru í Berlín í kvöld. Kvikmyndin er í leikstjórn Norðmannsins Joachim Trier sem hlaut einnig verðlaun fyrir bestu leikstjórn. Alls hlaut myndin sex verðlaun af níu tilnefningum. Sænski leikarinn Stellan Skarsgård hlaut verðlaun fyrir besta leik karls og norska leikkonan Renate Reinsve verðlaun fyrir besta leik konu, bæði fyrir hlutverk sín í Seintimental value. Skarsgård hlaut einnig Golden Globe-verðlaun á dögunum fyrir hlutverk sitt í myndinni. Kvikmyndin hefur hlotið mikið lof og er tilnefnd til Óskarsverðlaunanna sem fara fram þann 15. mars.