कल्याण डोंबिवली महानगरपालिकेत शिंदे गटाकडून ठाकरे गटाचे तीन नगरसेवक फोडण्याचा प्रयत्न सुरू असल्याची माहिती सूत्रांनी दिली आहे. ठाकरे गटाचे नगरसेवक मधुर म्हात्रे यांनी श्रीकांत शिंदे यांची भेट घेतली, तर कीर्ती ढोणे आणि रेश्मा निचळ या नगरसेविकाही शिंदे गटाच्या संपर्कात असल्याचे वृत्त आहे. स्थानिक राजकारणातील या घडामोडींमुळे राजकीय वर्तुळात चर्चांना उधाण आले आहे.