Finalja e Kupës së Afrikës nuk prodhoi vetëm emocione në fushë, por edhe një moment shumë njerëzor që pushtoi rrjetet sociale. Menjëherë pas fitores së Senegalit 1-0 ndaj Marokut në kohën shtesë dhe shpalljes kampion, Sadio Mane u ndal për një intervistë pranë fushës. Teksa po fliste, ai u ndërpre papritur nga një figurë e njohur – Nordin Amrabat, vëllai i Sofyan Amrabat. Mane nuk e fshehu aspak habinë dhe emocionin. Sapo e vuri re, ai ndaloi intervistën, iu afrua dhe e përqafoi ngrohtësisht. Sadio Mané was being interviewed for minutes… …before realizing he was standing next to former Morocco forward Nordin Amrabat This guy has 0️⃣ haters. @CAF_Online pic.twitter.com/WsywWst7Sa — 433 (@433) January 19, 2026 Të dy shkëmbyen disa fjalë plot respekt dhe sinqeritet, duke treguar se rivaliteti i fortë i finales nuk e zbeh aspak lidhjen njerëzore mes futbollistëve. Pamjet u shpërndanë menjëherë në rrjetet sociale dhe u kthyen në trend brenda pak minutash, duke u bërë një nga detajet më të komentuara të mbrëmjes së finales. Ndërkohë, Mane u shpreh se është më i lumtur se kurrë që e fitoi Kupën e Afrikës, meqenëse sipas tij ishte hera e fundit, që përfaqëson Senegalin në këtë kompeticion./ Telegrafi /