Jakobína Valdís Jakobsdóttir frá Ísafirði varð fyrsta íslenska konan til að keppa á Vetrarólympíuleikum í Cortina d‘Ampezzo á Ítalíu árið 1956. Þangað er hún nú komin, 93 ára, sem áhorfandi eins og fjallað var um í íþróttafréttum RÚV á dögunum og hefur heimsókn hennar til Cortina vakið talsverða athygli. Hálf milljón áhorfa á myndskeið með Jakobínu Sjónvarpsrétthafi Ólympíuleikanna, OBS, fjallar ítarlega um Jakobínu á heimasíðu sinni og hefur birt innslag með viðtali við hana og dóttur hennar, Guðrúnu Rúnarsdóttur sem er með henni á Ítalíu. Þá hefur stutt myndskeið af Jakobínu á skíðum á síðasta ári, við hlið myndar af henni í keppni árið 1956, fengið um hálfa milljón áhorfa. Myndskeiðið er á Facebook síðu Ólympíuleikanna . Umfjöllun OBS um Jakobínu má sjá hér í spilaranum fyrir neðan. Hin 93 ára Jakobína Valdís Jakobsdóttir hefur vakið mikla athygli á Vetrarólympíuleikunum á Ítalíu. Jakobína keppti fyrst íslenskra kvenna á Vetrarólympíuleikum í Cortina árið 1956 og er þar nú stödd.