मराठी राजभाषा दिनानिमित्त मनसेतर्फे ‘ग्रंथोत्सव २०२६’ला उत्साहात सुरुवात करण्यात आली. मुंबईतील रुईया कॉलेजच्या बाहेर हा भव्य पुस्तक प्रदर्शन सोहळा आयोजित करण्यात आला आहे. या ग्रंथोत्सवाचे आयोजन ॲडव्होकेट वैभव करंदीकर यांनी केले आहे. दरवर्षीप्रमाणे यंदाही विविध विषयांवरील शेकडो पुस्तके वाचकांसाठी उपलब्ध करून देण्यात आली आहेत. ‘वाचाल तर वाचाल’ या संकल्पनेतून या उपक्रमाचे आयोजन करण्यात येत असून, वाचकांकडूनही मोठा प्रतिसाद मिळत आहे.