Líf Magneudóttir varð í fyrsta sæti í forvali Vinstri grænna í Reykjavík fyrir komandi sveitarstjórnarkosningar. Stefán Pálssonvarð í öðru sæti og Finnur Ricart Andrason í því þriðja. Ekki hafa fleiri tekið þátt í forvali Vinstri grænna í 17 ár, að því er fram kemur í tilkynningu. Alls greiddu 1.093 atkvæði, eða 42% þeirra sem voru á kjörskrá. Kosið var um var um efstu þrjú sæti Vinstri grænna á sameiginlegum lista VG og Vors til vinstri. Þau fá annað, þriðja og sjötta sæti á listanum. Sanna Magdalena Mörtudóttir borgarfulltrúi verður í efsta sæti listans. Líf fékk 496 atkvæði í fyrsta sæti. Stefán Pálsson fékk með 549 atkvæði í 1.-2. sæti. Finnur hlaut 644 atkvæði 1.-3. sæti. Þrjú atkvæði voru auð og eitt atkvæði ógilt. Í framhaldinu verður skipuð sameiginleg kjörnefnd Vinstri grænna í Reykjavík og Vors til vinstri sem fær það hlutverk að móta tillögu að sameiginlegum framboðslista félaganna til borgarstjórnar í vor.