Многумина прескокнуваат оброци во обид да ослабат, но нутриционистите предупредуваат дека оваа навика може да има спротивен ефект. Наместо побрзо губење на тежината, може да поттикне прејадување подоцна и лоши одлуки во исхраната. Затоа, експертите советуваат однапред да ги планирате оброците и да вклучите протеини и зеленчук за полесно да одржувате калориски дефицит. Тие исто така нагласуваат дека долгорочната одржливост е клучот за успешно губење на тежината, пишува „Итинг вел“. Тие го издвојуваат прескокнувањето на појадокот како особено проблематична навика. – Кога луѓето го прескокнуваат појадокот, тие имаат поголема веројатност да прават полоши избори на храна во текот на денот, да јадат поголеми порции и да избираат храна со повеќе шеќер – рекла диететичарката Кели Каим. Диететичарката Лејни Јункин додава: „Девет од десет случаи на посетата во кујната доцна навечер се затоа што не сте јаделе доволно за појадок“. Експертите, исто така, предупредуваат за ненадејни флуктуации на шеќерот во крвта. – Прескокнувањето на појадокот или недоволното јадење може да го наруши балансот на шеќерот во крвта, што игра голема улога во губењето на тежината – рекла Јункин. Мала студија на мажи на возраст од 19 до 24 години покажа дека во деновите без појадок, тие имале повисоки скокови на шеќерот во крвта и повисоки нивоа на инсулин по ручекот. Истражувањата, исто така, покажаа дека луѓето со дијабетес тип 2 кои го прескокнуваат појадокот имаат полоша контрола на шеќерот во крвта. За да ви помогнат да ослабете, експертите препорачуваат балансирана исхрана, зголемување на внесот на протеини и додавање повеќе зеленчук во чинијата. Јункин препорачува да јадете 20 до 30 грама протеини и 5 до 10 грама влакна по оброк, заедно со здрави масти. Регистрираната диететичарка Кристи Брисет ја нагласува важноста на планирањето. – Тоа се нарекува посветеност. Си давате ветување себеси и поставувате цели – заклучила таа.