فلوریڈا میں صدر ڈونلڈ ٹرمپ کی مار اے لاگو رہائش گاہ کے سکیورٹی حصار کو اتوار کو توڑنے والے شاٹ گن سے مسلح  شخص کو امریکی سیکرٹ سروس کے اہلکاروں نے گولی مار دی جس کے نتیجے میں ان کی موت واقع ہو گئی۔ واقعے کے وقت ٹرمپ واشنگٹن میں تھے۔ حکام نے بتایا کہ مقامی وقت کے مطابق یہ واقعہ رات ایک بج کر 30 منٹ (06:30 جی ایم ٹی) کے قریب پیش آیا۔ خفیہ سروس نے بتایا کہ 20 سال سے کچھ زائد عمر کے مشتبہ شخص کو مار اے لاگو ریزورٹ کے شمالی دروازے پر دیکھا گیا، جن کے پاس شاٹ گن اور ایندھن کا کین تھا۔ اہلکاروں نے مذکورہ شخص کا سامنا کیا اور انہیں ہتھیار ڈالنے کا کہا لیکن انہوں نے اپنی بندوق تان لی۔ پام بیچ کاؤنٹی کے شیرف رک بریڈشا نے صحافیوں کو بتایا، ’ہم نے انہیں صرف یہی الفاظ کہے تھے کہ چیزیں نیچے رکھ دیں۔‘ بریڈشا کا کہنا تھا کہ ’اس وقت انہوں نے تیل کا کین نیچے رکھا، اور شاٹ گن کو فائرنگ کی پوزیشن میں اوپر کر لیا۔‘ پھر ایک نائب اور دو سیکرٹ سروس اہلکاروں نے انہیں گولی مار دی۔ اس شخص کو مردہ قرار دے دیا گیا اور کوئی امریکی افسر زخمی نہیں ہوا۔ سیکرٹ سروس کا کہنا ہے کہ اس وقت مار اے لاگو میں ان کی حفاظت میں رہنے والا کوئی فرد موجود نہیں تھا۔ رپبلکن صدارتی امیدوار ڈونلڈ ٹرمپ پانچ اکتوبر 2024 کو بٹلر، پنسلوانیا میں اپنے پہلے قاتلانہ حملے کے مقام پر ایک انتخابی ریلی کے دوران خطاب کر رہے ہیں (جم واٹسن / اے ایف پی) اخبار واشنگٹن پوسٹ کے مطابق، پام بیچ کے شیرف بریڈشا نے حملہ آور کی شناخت 21 سالہ آسٹن ٹکر مارٹن کے نام سے کی، جو مار اے لاگو سے تقریباً 700 میل (1127 کلومیٹر) شمال میں جنوبی کیرولائنا کے ایک چھوٹے سے قصبے کے رہائشی تھے۔ میامی ہیرلڈ کی رپورٹ کے مطابق مارٹن قدرتی مناظر اور گولف کورسز کے خاکہ نگار تھے، اور ان کی ایک بڑی بہن تھیں جو تین سال قبل 21 سال کی عمر میں انتقال کر گئی تھیں تاہم موت کے اشتہارات میں ان کی موت کی وجہ نہیں بتائی گئی تھی۔ بڑھتا ہوا سیاسی تشدد ٹرمپ، جو اکثر اپنی ہفتہ وار تعطیلات مار اے لاگو میں گزارتے ہیں، کئی قتل کے منصوبوں یا کوششوں کا نشانہ بن چکے ہیں۔ اس ماہ کے شروع میں، 59 سالہ ریان راؤتھ کو عمر قید کی سزا سنائی گئی، جس نے امریکی انتخابات سے دو ماہ قبل ستمبر 2024 میں فلوریڈا کے ایک گولف کورس میں ٹرمپ کو قتل کرنے کی منصوبہ بندی کی تھی۔ ٹرمپ پر راؤتھ کے حملے کا منصوبہ پنسلوانیا میں ریپبلکن رہنما پر قاتلانہ حملے کے دو ماہ بعد سامنے آیا، جہاں 20 سالہ میتھیو کروکس نے ایک ریلی کے دوران کئی گولیاں چلائیں، جن میں سے ایک ٹرمپ کے دائیں کان کو چھوتی ہوئی گزر گئی۔ سکیورٹی فورسز نے فوراً کروکس کو گولی مار دی جس سے وہ جان سے گئے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) گہری تقسیم کے شکار ملک میں سیاسی تشدد بڑھ گیا ہے اور سیاسی گفتگو تیزی سے جارحانہ اور اشتعال انگیز ہو گئی ہے۔ گذشتہ سال ستمبر میں، دائیں بازو کے انفلوئنسر اور ٹرمپ کے کٹر اتحادی چارلی کرک کو یوٹاہ کی ایک یونیورسٹی میں ایک تقریب کے دوران گولی مار کر قتل کر دیا گیا تھا۔ اس سے قبل جون میں، ایک نقاب پوش حملہ آور نے مینیسوٹا کی قانون ساز ملیسا ہارٹمین، جو ایک ڈیموکریٹ ہیں، اور ان کے شوہر کو ان کے گھر میں قتل کر دیا تھا۔ ایک اور منتخب عہدیدار اور ان کی اہلیہ کو بھی نشانہ بنایا گیا اور وہ شدید زخمی ہوئے۔ اور پنسلوینیا کے گورنر جوش شاپیرو کے گھر کو، جنہیں گذشتہ سال صدارتی امیدوار کے طور پر پیش کیا گیا تھا، اپریل میں مبینہ قاتلانہ حملے میں آگ لگا دی گئی۔ صدر ڈونلڈ ٹرمپ ٹرمپ انتظامیہ ٹرمپ تنقید امریکہ مسلح شخص نے ریاست فلوریڈا میں واقع صدر ٹرمپ کی نجی رہائشی جائیداد مار اے لاگو میں داخل ہونے کی کوشش کی۔ اے ایف پی سوموار, فروری 23, 2026 - 09:15 Main image:

سیکرٹ سروس اہلکار 23 مارچ 2023 کو فلوریڈا، امریکہ کے پام بیچ میں ڈونلڈ ٹرمپ کی مار اے لاگو رہائش گاہ کے باہر پہرہ دے رہا ہے (روئٹرز)

امریکہ type: news related nodes: ایران جوابی مسودے کی تیاری میں مصروف، ٹرمپ کا ایران پر محدود حملوں پر غور امریکی سپریم کورٹ نے صدر ٹرمپ کے ٹیرف کالعدم قرار دے دیے ایران کو جوہری معاہدے پر مجبور کرنے کے لیے ٹرمپ کا محدود کارروائی پر غور: امریکی اخبار ایران سے مذاکرات میں بالواسطہ شامل رہوں گا: ٹرمپ SEO Title: ٹرمپ کی رہائش گاہ میں گھسنے کی کوشش کرنے والے شخص کی فائرنگ سے موت copyright: show related homepage: Hide from Homepage