Paul Mescal dhe Gracie Abrams u bënë qendra e vëmendjes në BAFTA 2026, duke festuar fitoren e “Hamnet” si Filmi Britanik më i Mirë me një puthje të ëmbël të dielën në mbrëmje. Aktori 30-vjeçar, i cili luajti William Shakespeare në film, u shfaq në tapetin e kuq me të dashurën e tij 26-vjeçare në Sallën Mbretërore të Festivalit në Londër, duke bërë debutimin e tyre si çift. Pasi Stormzy shpalli fituesin, kamera kapën momentin kur Paul përqafoi Gracie-n dhe i dha një puthje, duke treguar lumturinë dhe emocionin për çmimin, shkruan DailyMail. Çifti ka qenë në lidhje që nga viti 2024, por kryesisht e kanë mbajtur larg vëmendjes publike. Paul Mescal ishte gjithashtu i nominuar për Aktorin Mbështetës për rolin e tij në “Hamnet”, por humbi ndaj Sean Penn për “One Battle After Another” . Megjithatë, momenti i çiftit në tapetin e kuq tërhoqi vëmendjen e fansave, të cilët shpërthyen në reagime të gëzuara në rrjetet sociale, duke komentuar për sharm dhe kimi të dukshme mes dy yjeve. Gracie Abrams mahniti me një fustan të zi pa shpinë, duke e shoqëruar Paul Mescal me një puthje në faqe dhe shikime të ëmbla gjatë hyrjes së tyre në ceremoninë prestigjioze. Fansat e quajtën debutimin e tyre si çift një “moment filmi” dhe “përsosmëri në qilimin e kuq”. /Telegrafi/