Мексико гори по убиството на озлогласениот Ел Менчо, полицаецот кој стана нарко бос Александра Спасеска 23.02.2026 / 10:01 Свет Мексико потона во невиден хаос откако мексиканските безбедносни сили вчера го убија водачот на моќниот картел Jalisco Nueva Generación (CJNG) Немесио Рубен Осегера Сервантес, познат во подземјето како „Ел Менчо“. Неговата смрт е тежок удар за најмоќниот нарко-картел во Мексико, но во исто време втурна големи делови од земјата во насилство и блокади. Како одговор на убиството на водачот, членовите на картелот започнаа моќен бран насилство низ целата земја. According to several sources, including @LuisKuryaki with Pie de Nota, this morning’s operation in Jalisco which resulted in the elimination of Nemesio Oseguera Cervantes, the leader of the Cartel Jalisco Nueva Generacion (CJNG), known more commonly as El Mencho, was a joint… pic.twitter.com/rCHT6vaERc — OSINTdefender (@sentdefender) February 22, 2026 Повеќе од 250 патишта во 20 мексикански федерални држави беа блокирани од запалени возила. Властите во државите Халиско, Мичоакан и Гуанахуато пријавија најмалку 14 смртни случаи, вклучувајќи седум припадници на Националната гарда. Наставата во училиштата е откажана во неколку држави. Гвадалахара, главниот град на државата Халиско и еден од градовите домаќини на претстојното Светско првенство, е претворен во „град на духови“ каде што сите продавници се затворени, а на граѓаните им се советува да не ги напуштаат своите домови. Во популарното одморалиште Пуерто Ваљарта, облаци од сив чад се надвиснуваа над хотелите, додека туристите беа заглавени без можност за превоз до аеродромот. Амбасадата на САД издаде итно предупредување до своите граѓани во неколку мексикански држави да побараат безбедно засолниште. Според извештаите од мексиканското Министерство за одбрана, операцијата за апсење се одвивала на западот од земјата. Припадници на армијата биле под силен оган за време на операцијата. Во размената на огнено оружје, четворица членови на картелот биле убиени, додека тројца биле тешко ранети и подоцна им подлегнале на повредите. Меѓу нив бил и самиот Ел Менчо, кој, според првичните извештаи, починал за време на транспортот со хеликоптер до Мексико Сити. JUST IN Mexico: Clashes in the streets of Puerto Vallarta! Security forces opened fire with heavy machine guns on a cartel leader, Sicario, as he attempted to flee. pic.twitter.com/UJcThx31go — China pulse (@Eng_china5) February 22, 2026 Беа конфискувани оклопни возила и тешко оружје, вклучувајќи ракетни лансери способни да соборуваат авиони. Операцијата беше спроведена со разузнавачка поддршка на заедничката американско-мексиканска работна група, поради големиот притисок од администрацијата на американскиот претседател Доналд Трамп врз мексиканските власти да се справат порешително со картелите. Мексиканската претседателка Клаудија Шајнбаум им честиташе на безбедносните сили, но ја повика нацијата да „остане информирана и смирена“, додавајќи дека во поголемиот дел од земјата активностите се одвиваат нормално. Remote video URL Немесио Осегера Сервантес, поранешен полицаец, беше еден од најбараните бегалци во светот. Владата на САД понуди награда до 15 милиони долари за информации што доведоа до негово апсење. Под негово водство, CJNG еволуираше на неверојатен начин. Групата започна како здружение на одгледувачи на авокадо. Тие наскоро прераснаа во империја одговорна за една третина од дрогата што влегува во САД, преземајќи го озлогласениот картел Синалоа. Картелот стана познат по екстремна бруталност, но и по употребата на модерни технологии, како што се беспилотни летала вооружени со експлозиви. Momentos en que la @GN_MEXICO_ llega al lugar donde fueron emboscados los compañeros de la Guardia Nacional, por los Sicarios. QEPD nuestros hermanos de la @GN_MEXICO_ pic.twitter.com/JQvxZQvG7n — EJÉRCITO, FUERZA AÉREA Y GUARDIA NACIONAL México (@EJTO_FAM_GN) February 23, 2026 Ел Менчо изградил приватна армија од над 7.000 луѓе и воспоставил трговија со фентанил, кокаин, хероин и метамфетамин на секој континент освен Антарктикот. Иако убиството на 59-годишниот Ел Менчо претставува историски успех за безбедносните сили, американските и мексиканските власти предупредуваат дека хиерархијата на картелот овозможува негов континуиран опстанок и дека останува да се види колку долгорочно овој удар ќе влијае на протокот на дрога во Соединетите Американски Држави. BREAKING NEWS: Things in Mexico are escalating as the cartel is attacking airports, blocking roads, and even set a Costco on fire after the government killed “El Mencho” the head of the biggest cartel. If you are in Jalisco or Puerto Vallarta it is important to shelter in place. pic.twitter.com/ikOb0g5vgv — Power to the People ☭ (@ProudSocialist) February 22, 2026 Мексико Автор/Извор А.С. Прикажи во метро On