Starfsmenn hamborgarastaðarins 2guys við Hlemm í miðborg Reykjavíkur segjast varla geta affermt vörur án þess að eiga það á hættu að fá stöðumælasekt. Hafa þeir í sex skipti verið sektaðir um tíu þúsund krónur. Eigandi segist vera orðinn langþreyttur á skilnings- og áhugaleysi sem hann segir mæta sér hjá Reykjavíkurborg. Borgin segir reglurnar sambærilegar og í miðborgum í nágrannalöndunum.