Një stuhi e madhe goditi bregun lindor të SHBA-së të hënën, duke sjellë borë rekord që shkaktoi problemem për miliona njerëz, si dhe mijëra anulime fluturimesh. Pjesë të Rhode Island dhe Massachusetts kanë parë gati 94 cm reshje bore, me më shumë se 19 inç në Parkun Qendror të New York City, tha Shërbimi Kombëtar i Motit (NWS). Kushte udhëtimi "pothuajse të pamundura" në New York, paralajmëroi një agjenci shtetërore, shkruajnë mediat e huaja, përcjell Telegrafi. Më shumë se 600,000 shtëpi dhe biznese në bregun lindor pësuan ndërprerje të energjisë elektrike, me New Jersey dhe Massachusetts më të goditurat. Millions of people woke up to a fresh blanket of snow covering just about everything as a massive snowstorm hit the Northeast. https://t.co/UrK9L7cvGx pic.twitter.com/vZgb2yFfZw — ABC News (@ABC) February 23, 2026 Paralajmërimet për stuhitë dimërore u shtrinë nga Karolina e Veriut në Maine veriore, me disa paralajmërime në vend më në veri në pjesë të Kanadasë lindore. Bora pritej të vazhdonte gjatë gjithë së hënës, sipas NWS, me disa zona pranë vijës bregdetare verilindore që pritet të kenë një total prej 30-61 cm bore deri të martën në mëngjes. Rhode Island, shteti më i vogël i SHBA-së, duket se ka parë më shumë borë gjatë stuhisë. Në fakt, ajo është bërë stuhia më e keqe e borës që ka goditur ndonjëherë shtetin, sipas mediave lokale. Providence, kryeqyteti i shtetit, mori 36 inç (91 cm) borë, duke e tejkaluar rekordin ekzistues për stuhinë më të madhe të borës: 28.6 inç (72.6 cm) të vendosur në shkurt të vitit 1978. New York mayor orders citywide travel ban as major storm hits US. The National Weather Service says blizzard conditions will "quickly materialize" from Maryland up to southeastern New England, making travel "extremely treacherous" https://t.co/JAg7dNoquC pic.twitter.com/u61VamhR5y — AFP News Agency (@AFP) February 23, 2026 Një ndalim për udhëtimet jo-thelbësore u zbatua në Rhode Island dhe gjithashtu në Connecticutin fqinj. Më vonë gjatë ditës, Guvernatorja e Masaçusetsit, Maura Healey, vendosi gjithashtu një ndalim udhëtimi. Në Massachusetts, gati 300,000 njerëz ishin pa energji elektrike, sipas monitoruesit PowerOutage, duke përfshirë 85% të klientëve në Qarkun Barnstable, i cili përfshin të gjithë Cape Cod. Në New York City, një ndalim udhëtimi e çoi qytetin me më shumë se tetë milionë banorë në një ndalesë pothuajse të plotë para se të hiqej në mesditë sipas kohës lokale. Të gjitha rrugët, autostradat dhe urat u mbyllën. A bomb cyclone pounded the Northeast with powerful winds and extreme snowfall, knocking out power for some and leading officials to declare travel bans in multiple states. "This kind of wet, heavy and sudden emergency can be a nightmare," says CNN Chief Climate Correspondent Bill… pic.twitter.com/3x7NFiaEo0 — Anderson Cooper 360° (@AC360) February 24, 2026 Në Connecticut dhe New Jersey, kishte shqetësime se rënia e pemëve dhe degëve mund të çonte në kushte të rrezikshme rrugore dhe më shumë ndërprerje të energjisë elektrike. Ndërkohë, njerëzit që kërkonin të udhëtonin brenda SHBA-së të hënën u përballën me vështirësi. Numri i fluturimeve të anuluara brenda, për në ose nga SHBA-ja arriti në më shumë se 5,706, sipas gjurmuesit FlightAware. / Telegrafi /