عمران خان کو آنکھوں کی بیماری سینٹرل ریٹینل وین اوکلوژن (Central Retinal Vein Occlusion)  یا سی آر او تشخیص ہوئی ہے، جس کے علاج کے سلسلے میں انہیں آنکھوں کے اندر دو انجیکشن لگ چکے ہیں، جن میں سے ایک انجیکشن گذشتہ شب لگا ہے۔ آئیے سمجھتے ہیں عمران خان کو بیماری کیا ہے اور اس کا علاج کیا ہو رہا ہے۔ آسان الفاظ میں آنکھ کے پچھلے حصے میں ایک پردہ ہوتا ہے جسے ریٹینا کہتے ہیں۔ یہ کیمرے کی فلم کی طرح کام کرتا ہے اور ہمیں دیکھنے میں مدد دیتا ہے۔ ریٹینا میں خون کی نالیاں ہوتی ہیں، کچھ خون لاتی ہیں انہیں شریانیں یا آرٹریز کہتے ہیں، کچھ لے جاتی ہیں جنہیں وریدیں یا وینز کہتے ہیں۔ سی آر او کی بیماری یہ ہے کہ ریٹینا کی مرکزی ورید میں خون کا لوتھڑا یا کلاٹ پھنس جاتا ہے تو خون کی واپسی میں رکاوٹ آ جاتی ہے، جس سے آنکھ کے اندر پانی جمع ہونا شروع ہو جاتا ہے۔ یہ ایسے ہے جیسے کسی پائپ میں رکاوٹ آنے سے پانی جمع ہو جاتا ہے۔ اس کے نتیجے میں ریٹینا میں سوجن آ جاتی ہے جس کے باعث نظر دھندلی یا کم ہو جاتی ہے۔ اس بیماری کا علاج کرنے کے لیے عمران خان کو اینٹی وی ای جی ایف انجیکشن لگائے گئے ہیں۔ VEGF  کیا ہے؟ جب ریٹینا میں رکاوٹ آتی ہے تو جسم ایک خاص قسم کا کیمیکل بناتا ہے جس کا نام ہے Vascular Endothelial Growth Factor امریکن اکیڈمی آف آفتھلمالوجی کے مطابق یہ قدرتی کیمیکل خون کی نئی نالیاں بنانے کی کوشش کرتا ہے تاکہ خون کو راستہ مل جائے، لیکن مسئلہ یہ ہے کہ عام طور پر یہ نالیاں کمزور ہوتی ہیں اور ان سے پانی رِستا رہتا ہے، جس سے آنکھ میں مزید سوجن آ جاتی ہے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) انجیکشن کیا ہے؟ عمران خان کو Anti-VEGF  دیا جا رہا ہے۔ سادہ الفاظ میں یہ ایک ایسی دوا ہے جو سوئی سے سیدھی آنکھ کے اندر لگائی جاتی ہے جو VEGF  کیمیکل کو روک دیتی ہے، جس سے نئی کمزور نالیاں نہیں بنتیں، اور آنکھ میں پانی کا اخراج کم ہونے سے سوجن کم ہو جاتی ہے۔ کتنے انجیکشن ضروری ہیں؟ عمران خان کو تین انجیکشنز کی سیریز دی جا رہی ہے۔ ان میں سے پہلا 25 جنوری 2026 کو لگا، دوسرا 24 فروری 2026 کو دیا گیا اور تیسرا 25 مارچ 2026 کو دیا جائے گا۔ امریکن اکیڈمی آف آفتھلمالوجی کے مطابق یہ مستقل علاج نہیں ہے۔ اس دوا کا اثر کچھ ہفتوں تک رہتا ہے، پھر VEGF دوبارہ بننا شروع ہو جاتا ہے۔ نتائج کیسے ہوتے ہیں؟ طبی رپورٹ کے مطابق عمران خان کی بینائی میں ’نمایاں بہتری‘ ظاہر ہوئی ہے۔ البتہ یہ طویل مدتی علاج ہے اور کئی سال تک ہر چند ماہ بعد انجیکشن لینے پڑ سکتے ہیں۔ عمران خان بیماری علاج آنکھ کے پچھلے حصے میں ایک پردہ ہوتا ہے جسے ریٹینا کہتے ہیں۔ یہ کیمرے کی فلم کی طرح کام کرتا ہے اور ہمیں دیکھنے میں مدد دیتا ہے۔ ریٹینا میں خون کی نالیاں ہوتی ہیں، کچھ خون لاتی ہیں انہیں شریانیں کہتے ہیں، کچھ خون لے جاتی ہیں جنہیں وریدیں کہتے ہیں۔ انڈپینڈنٹ اردو منگل, فروری 24, 2026 - 15:15 Main image:

پاکستان تحریک انصاف کے بانی عمران خان لاہور میں 2021 میں ایک جلسے کے دوران سٹیج پر موجود ہیں (پی ٹی آئی فیس بک)

پاکستان type: news related nodes: عمران خان کو دوبارہ ہسپتال لایا گیا، دوسرا انجیکشن لگایا گیا: پمز انتظامیہ گواسکر سمیت کئی کرکٹ لیجنڈز کی پاکستان سے عمران خان کے لیے اپیل عمران خان سے متعلق کوئی ڈیل نہیں ہو رہی ہے: عطا تارڑ شوکت خانم ہسپتال کے ڈاکٹروں کی عمران خان کے معائنے کی درخواست SEO Title: عمران خان کا کیا علاج ہو رہا ہے؟ copyright: show related homepage: Hide from Homepage