پاکستان کے وزیراعظم کے ایک ترجمان نے کہا کہ افغان طالبان حکومت کی فورسز نے منگل اور بدھ کی درمیانی شب خیبر پختونخوا کے ضلع خیبر میں طورخم اور تیراہ کے سرحدی علاقوں میں فائرنگ کی ہے۔ غیر ملکی میڈیا کے لیے پاکستانی وزیراعظم کے ترجمان مشرف زیدی نے منگل کی رات سوشل میڈیا پلیٹ فارم ایکس پر کہا کہ افغان طالبان حکومت نے طورخم اور تیراہ میں پاکستان افغانستان سرحد پر بلا اشتعال فائرنگ کی۔ پشاور میں انڈپینڈنٹ اردو کے نامہ نگار اظہار اللہ کو ذرائع نے منگل کی رات بتایا کہ پاکستان افغانستان سرحد (ڈیورنڈ لائن) پر مختلف علاقوں میں افغان فورسز اور پاکستانی فوج کے درمیان جھڑپیں ہو رہی ہیں۔ بعد ازاں مشرف زیدی نے ایکس پر ایک پوسٹ میں پاکستان افغانستان بارڈر پر فائرنگ کی تصدیق کی اور خبردار بھی کیا کہ افغانستان کی طرف سے مزید اشتعال انگیزی کا ’فوری اور سخت‘ جواب دیا جائے گا۔ پاکستان کے وزیر اعظم کے مزید مشرف زیدی کا سوشل میڈیا پلیٹ فارم ایکس پر پوسٹ کا عکس انہوں نے مزید کہا کہ ’پاکستان اپنے شہریوں کی حفاظت اور اپنی علاقائی سالمیت کی حفاظت جاری رکھے گا۔‘ پاکستان نے گذشتہ ہفتے کے آخر میں افغانستان کے ننگرہار اور پکتیکا صوبوں میں عسکریت پسندوں کے سات کیمپوں اور ٹھکانوں کو نشانہ بنایا تھا اور ان حملوں میں پاکستانی حکام کے مطابق 80 سے زیادہ عسکریت پسند مارے گئے تھے۔ گذشتہ سال اکتوبر میں بھی پاکستان نے افغانستان کے اندر عسکریت پسندوں کو نشانہ بنایا تھا جس کے بعد سے دونوں پڑوسی ملکوں کے درمیان سرحدی علاقوں میں شدید فائرنگ اور گولہ باری کا تبادلہ ہوا جس کے نتیجے دونوں جانب اموات ہوئیں۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) پاکستانی وزارت اطلاعات کے اتوار کو جاری کیے گئے ایک بیان میں کہا گیا کہ افغانستان میں عسکریت پسندوں کے ٹھکانوں پر حالیہ فضائی حملے پاکستان کے اندر کئی دہشت گردانہ حملوں کے جواب میں کیے گئے۔ پاکستان میں حال ہی میں وفاقی دارالحکومت اسلام آباد کے نواحی علاقے ترلائی کی ایک مسجد میں خودکش بم حملے کے نتیجے میں بیسیوں فراد جان سے مارے گئے تھے۔ اسی طرح خیبر پختونخوا کے اضلاع بنوں اور باجوڑ میں سکیورٹی فورسز پر متعدد حملے ہوئے جن کے نتیجے میں لیفٹیننٹ کرنل سمیت کئی فوجی مارے گئے۔ وزارت اطلاعات کے بیان میں کہا گیا کہ ’پاکستان کے پاس حتمی شواہد موجود ہیں کہ دہشت گردی کی یہ کارروائیاں خوارج نے اپنی افغانستان میں مقیم قیادت اور ہینڈلرز کے کہنے پر کی تھیں۔‘ بیان میں مزید کہا گیا کہ ’پاکستان کی جانب سے افغان طالبان کی حکومت کو دہشت گرد گروپوں اور غیر ملکی پراکسیوں کی جانب سے پاکستان میں دہشت گردانہ کارروائیوں کے لیے افغان سرزمین کے استعمال سے روکنے کے لیے قابل تصدیق اقدامات کرنے پر زور دینے کی بار بار کوششوں کے باوجود، افغان طالبان حکومت ان کے خلاف کوئی ٹھوس کارروائی کرنے میں ناکام رہی۔‘ افغانستان پاک افغان سرحد سرحدی کشیدگی ڈیورنڈ لائن فائرنگ پاکستانی وزیراعظم کے ترجمان مشرف زیدی نے افغان طالبان حکومت نے طورخم اور تیراہ میں سرحدی علاقوں پر بلا اشتعال فائرنگ کی۔ انڈپینڈنٹ اردو بدھ, فروری 25, 2026 - 09:00 Main image:

12 اکتوبر، 2025 کی اس تصویر میں پاکستانی فوج کو آرٹلری فائر کرتے ہوئے دیکھا جا سکتا ہے (سکیورٹی ذرائع بذریعہ ریڈیو پاکستان)

ایشیا type: news related nodes: افغانستان سے جھڑپوں میں 23 اموات: پاکستان فوج پاکستان افغان سرزمین کے اپنے خلاف استعمال ہونے کا ثبوت دے: متقی سعودی عرب کی پاکستان افغان جھڑپوں پر تشویش افغانستان کو چھیڑنا اچھا نہیں: افغان وزیرِ خارجہ کی پاکستان کو وارننگ SEO Title: افغان فورسز کی سرحدی اضلاع پر ’بلا اشتعال‘ فائرنگ، اشتعال انگیزی کا ’سخت‘ جواب دیا جائے گا: ترجمان وزیراعظم copyright: show related homepage: Show on Homepage