अहिल्यानगर जिल्ह्यातून निघालेल्या लॉंग मार्चचा आज दुसरा दिवस आहे. अकोले शहरातून संगमनेरच्या दिशेने कूच करणाऱ्या या मार्चमध्ये हजारो आंदोलक सहभागी झाले आहेत. शेतकरी, कामगार, आदिवासी आणि विविध कर्मचाऱ्यांच्या प्रलंबित मागण्यांसाठी हा मोर्चा काढण्यात आला आहे. राज्य सरकारने आंदोलकांच्या शिष्टमंडळाला मुंबईत बैठकीसाठी आमंत्रित केले आहे, ज्यात तोडगा निघण्याची अपेक्षा आहे.