Градоначалник на општина Аеродром, Дејан Митески денеска потпиша меморандум за соработка меѓу Општина Аеродром и здружението „МЕГАЛОГОМЕД ГЛАС – Скопје“, со што се овозможува индивидуални логопедски и дефектолошки третмани за деца со развојни потешкотии и деца со попреченост. - Со ова, децата од Аеродром добиваат бесплатен пристап до стручна логопедска поддршка, рано препознавање на развојните предизвици и навремена интервенција — важен чекор за нивниот правилен развој, сигурност и самодоверба. Услугата ќе биде бесплатна за лицата што ќе добијат соодветна препорака од Центарот за социјална работа на Град Скопје, а корисници ќе можат да бидат лица со валидна документација согласно со Меѓународната класификација на функционирање, попреченост и здравје (МКФ), истакна градоначалникот Митески. Обезбедуваме и поддршка за родителите преку советување и насоки, со цел секое семејство полесно да стигне до потребната стручна помош без дополнителни финансиски оптоварувања. -Продолжуваме посветено да вложуваме во најмладите и да градиме општина во која секое дете има шанса да расте, да се развива и да го достигне својот целосен потенцијал, истакна Митески во објавата. БЕСПЛАТНА ЛОГОПЕДСКА ПОДДРШКА ЗА ДЕЦАТА ОД АЕРОДРОМ – ИНВЕСТИЦИЈА ВО НИВНИОТ РАЗВОЈ И БЕЗГРИЖНА НАСМЕВКА Денеска... Posted by Дејан Митески on Wednesday, February 25, 2026