Британците го ослободија нафтоводот Дружба од санкции до 2027 година Александра Спасеска 25.02.2026 / 13:17 Свет Велика Британија го ослободи нафтоводот Дружба од нов пакет санкции за руските компании до средината на октомври 2027 година, според документ објавен на веб-страницата на Министерството за финансии. Велика Британија вчера воведе санкции врз рускиот оператор на нафтоводот Транснефт, меѓу група од речиси 300 руски физички и правни лица, при што Лондон забележува дека пакетот е најголем од првите месеци од војната во Украина во 2022 година. Транснефт е еден од најголемите оператори на нафтоводи во светот и транспортира повеќе од 80 проценти од руската нафта до клиенти во странство, забележа Лондон. Санкциите, исто така, вклучуваат 48 танкери за нафта, додадоа тие. Нафтоводот Дружба е исклучен од пакетот до 14 октомври 2027 година, заедно со операторот на нафтоводот Caspian Pipeline Consortium (CPC), TengizChevroil и гасните полиња во Азербејџан и Египет, Shah Deniz и Zohr. Проектот за течен нафтен гас Sakhalin 2 исто така доби ослободување, но до 28 јуни оваа година. Целта е дополнително да се намалат приходите на Русија од енергија, нагласи владата во Лондон. Дружба испорачуваше руска нафта во Унгарија и Словачка сè додека не беше оштетена на крајот на јануари. Германија, пак, испорачуваше нафта од Казахстан преку северната гранка на гасоводот, потсетува агенцијата Interfax. руска нафта Велика Британија Русија Автор/Извор А.С. Прикажи во метро On