„Југославија“ ја подели бивша Југославија Александра Спасеска 25.02.2026 / 18:33 Музика Deutsche Welle известува за политичките контроверзии околу Евровизискиот натпревар во Германија. Весникот Frankfurter Rundschau прашува дали ќе се појават нови спорови и околу песната „Југославија“, која би можело да ја претставува Србија на натпреварот во Виена. Ситуацијата околу песната „Југославија“ на овогодинешниот Евровизиски натпревар предизвика жестоки реакции на Балканот, пишува Deutsche Welle. Песната е контроверзна и ја подели јавноста поради самата референца на поранешната државна заедница - Југославија - уште пред натпреварот. Во Србија имаше многу критики и негативни оценки на социјалните мрежи и во коментарите, бидејќи некои веруваат дека терминот „Југославија“ има политичко значење кое не е соодветно за формат на музичко натпреварување како што е Евровизискиот натпревар. Пејачката што ја изведува песната, Зејна, позната и како кума на Парадата на гордоста во Белград, им одговори на своите поддржувачи дека пораката на песната носи универзална порака за единство, мир и љубов и дека името не значи враќање кон историските политички концепти, туку симболизира надеж и единство меѓу луѓето без оглед на нивните национални или етнички разлики. Remote video URL „Глорификација на пропадната држава“ Поради оваа песна, на почетокот на месецот, на мрежата X се огласи профилот Eurovision Kosovo, обвинувајќи ја Србија дека „не може да ја одвои политиката од Евровизија“. Тие тврдат дека песната ја „глорифицира“ Југославија и дека Европската радиодифузна унија нема да ја признае ако Белград ја испрати на натпреварот. Frankfurter Rundschau пишува дека Косово воопшто не е членка на Европската радиодифузна унија и дека не е јасно кој стои зад профилот Eurovision Kosovo. И сепак пораката привлече внимание во Србија и другите поранешни југословенски републики. #Serbia can’t separate politics from #Eurovision After a song about the “return of the army to #Kosovo ” in PZE, this year there’s a song glorifying #Yugoslavia . If Serbia selects it, the EBU won’t allow it — political messages are banned by the rules. pic.twitter.com/HpuDf1hhQn — Eurovision Kosovo (@ESCKOSOVO) February 2, 2026 Frankfurter Rundschau ги потсетува помалку информираните читатели дека Југославија постоела како кралство и социјалистичка федерација - која се распаднала во крвава војна - и на крајот станала сојуз на Србија и Црна Гора. „До ден денес, мислењата се разликуваат во сите седум држави наследнички во врска со проценката на Југославија“, пишува Frankfurter Rundschau. Како што се наведува, критичарите го обвинуваат раководството на поранешна Југославија за авторитаризам и потчинување на народот. „Сепак, некои постари луѓе се сеќаваат на релативно безгрижен живот заедно во мултиетничка земја без граници“, пишува германскиот весник. Критиките од Косово го зголемуваат бројот на прегледи Песната на Зејна „Југославија“, се додава, може да биде предмет на проверка од страна на Европската радиодифузна унија само ако навистина биде избрана за финалниот натпревар. Критиките од Косово, пишува Deutsche Welle, значително ги зголемија нејзините шанси - „Југославија“ има најмногу прегледи на YouTube од сите кандидати. 1/2 The singer has now effectively confirmed — through her stage visuals — that her song carries a political message. In her scenography, the General Staff Building in Belgrade can be seen, the building that was bombed by #NATO in '99 to stop genocide in #Kosovo . pic.twitter.com/RMFdgGFnSE — Eurovision Kosovo (@ESCKOSOVO) February 24, 2026 За некои критичари, споменувањето на името Југославија во контекст на Евровизискиот натпревар буди сеќавања на минатите политички и воени конфликти на Балканот, додека други веруваат дека песната може да има поширока симболична порака што оди подалеку од политичките контексти. Remote video URL Евросонг Евровизија Србија југославија Автор/Извор А.С. Прикажи во метро On