Os antigos membros de Oh! Ayatollah volven xuntarse para presentar o seu novo proxecto musical, Portosanto, que hoxe se estrea co seu primeiro sinxelo, "Ten que haber un sitio para nós". Nuno Pico, Andrés Real e Simón Cuba, que xunto a Anaís Fernández e Xoel Xeada forman a banda, explican os motivos que os impulsaron a crear esta nova agrupación, como foi o seu proceso creativo e que é o que podemos esperar dos seus próximos lanzamentos.