Шимпанзата во дивината често јадат овошје коешто природно содржи алкохол, се вели во ново истражување на Универзитетот на Калифорнија во Беркли, САД. Овошјето гамбеја албида ( gambeya albida ) познато како африканско ѕвездесто јаболко, содржи мали количини алкохол поради природна ферментација - обично 0,1 отсто, но во некои случаи и до 0,4 насто. Според истражувањето, спроведено во Националниот парк „Кибале“ вo западна Уганда, сепак, количината алкохол што животните ја внесуваат може да биде толку голема, што тој плод би им бил забранет на луѓе што работат и управуваат со тешка машинерија, на пр., т.е. ги надминува безбедносните прагови на алкохол во крвта на работното место, објави британски „Тајмс“ ( The Times ). Сепак, шимпанзо може да внесе количина од ова овошје еднаква на 15 насто од нивната телесна тежина дневно, што е значителен внос на алкохол. Истражувачите собраа примероци од урина од шимпанзата и ги анализираа за присуство на етил-глукуронид (ЕтГ) - биомаркер произведен за време на преработката на етанолот. Резултатите покажаа дека овие мајмуни редовно го надминувале прагот од 500 нанограми на милилитар ЕтГ, што е гранична вредност што се користи во тестовите за алкохол во човечката крв. Исто така, се забележува оти во времето од годината кога ферментираното овошје е во изобилство, шимпанзата патуваат повеќе, што може да укажува и дека шеќерот во овошјето им дава повеќе енергија. Иако не е докажано дека шимпанзото е сериозно затруено, наодите ја поддржуваат теоријата за „пијан мајмун“, се вели во написот, којашто вели дека човековите предци, еволуирајќи, научиле да го поврзуваат мирисот на ферментирано овошје со храна богата со калории. Научниците веруваат дека во еволуцијата ова обезбедило предност во нагонот за преживување.