သိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇဢွၵ်ႇဝႃႈ တီႉလႆႈႁူင်းႁုင်ယႃႈ (ဢမ်ႇမီးၸဝ်ႈၶွင်) တီႈဝၢၼ်ႈလုင်း ဝဵင်းမိူင်းၵူၵ်း ၸႄႈဝဵင်းမိူင်းသၢတ်ႇ ၼႂ်းပိုၼ်ႉတီႈပျီႇတူႉၸိတ်ႉတူင်ႉၼိုင်ၼၼ်ႉ ။ မိူဝ်ႈဝၼ်းတီႈ 24/02/2026 ယၢမ်းဝၢႆးဝၼ်း မွၵ်ႈ 2 မူင်း သိုၵ်းမၢၼ်ႈယိုတ်းမိူင်း ၶဝ်ႈၵႂႃႇသွၵ်ႈၼႂ်းထိူၼ်ႇ တၢင်းဝၢၼ်ႈလုင်း ဝဵင်းမိူင်းသၢတ်ႇသေ ထၢႆႇႁၢင်ႈပိုၼ်ၽၢဝ်ႇဝႃႈ ယိုတ်းလႆႈႁူင်း ႁုင်ယႃႈ ။ ၵူၺ်းၵႃႈ ပိုၼ်ၽၢဝ်ႇပႃးဝႃႈ ၵူၼ်းတႄႉဢမ်ႇတီႉလႆႈသေၵေႃႉ ဝႃႈၼႆ။ ၵူၼ်းမိူင်းပိုၼ်ႉတီႈ ၸႄႈဝဵင်းမိူင်းသၢတ်ႇလၢတ်ႈဝႃႈ “ ပိုၼ်ႉတီႈၼၼ်ႉ မီးၸုမ်းပျီႇတူႉၸိတ်ႉ၊ ၸုမ်းသိုၵ်းဝႃႉ လႄႈ သိုၵ်းမၢၼ်ႈၵူၺ်း။ တီႈၶဝ်ၵႂႃႇၺွပ်းၼၼ်ႉ ႁၢင်ႇၵႆၵၼ်တင်းမိူင်း ၵူၵ်း မွၵ်ႈ 10 လၵ်းပၢႆ။ ၶဝ်ဢမ်ႇလႆႈၵိၼ်ၽဵင်ႇၵၼ်လႄႈ ၸင်ႇၶဝ်ႈၵႂႃႇၺွပ်းၼႄ ႁဵတ်းဢဝ်ၼႄႁၢင်ႈၼႄၾၢင်မၼ်းၵူၺ်း ” ဝႃႈၼႆ။ ၽွင်းသိုၵ်းမၢၼ်ႈၶဝ်ႈၵႂႃႇယိုတ်းဢဝ်ႁူင်းႁုင်ယႃႈၼၼ်ႉ ထူပ်းႁၼ် ယႃႈလမ် 3 ထူင်၊ ၵွၼ်ႈယႃႈၽိူၵ်ႇ 1 ၵွၼ်ႈ၊ ထူင်ဢၼ်သႂ်ႇဝႆႉၽွင်သီၶၢဝ် […] The post သိုၵ်းမၢၼ်ႈၶဝ်ႈတီႉႁူင်းႁုင်ယႃႈ ၼႂ်းပိုၼ်ႉတီႈပျီႇတူႉၸိတ်ႉတႂ်ႈမိုဝ်းၶဝ် appeared first on SHAN News .