Icelandair var eina flugfélagið sem bauð í rekstur á áætlunarflugi milli Reykjavíkur og Ísafjarðar. Tilboð þess var langt yfir kostnaðaráætlun. Hún hljóðaði upp á 1,3 milljarða króna en Icelandair bauðst til að taka flugið að sér fyrir 3,5 millljarða. Vegagerðin bauð út áætlunarflug til fjögurra ára, frá 1. september í haust til 31. ágúst 2030. Í útboðinu var einnig gert ráð fyrir möguleika á að framlengja samninginn um eitt ár. Útboðið var kynnt 23. janúar og tilboð opnuð í fyrradag. Tilboð Icelandairs var það eina sem barst.