Милош Шкориќ има 21 година и животот го поминува на падините на Фрушка Гора, планина во северна Србија, во Војводина. Се занимава со номадско овчарство. Првата овца ја купил уште во седмо одделение, а денес деновите ги минува во шатор со стадо од 300 овци, 100 јагниња, пет кокошки, четири кучиња и едно ждребе. Неговото секојдневие се сведува на чување животни, работа на пасишта и живот во природа, понекогаш и без струја, пишува "Mitrovica.info".