Пресврт во Чешка: Нема веќе да трошиме за одбрана Александра Спасеска 26.02.2026 / 20:25 Свет Чешка „под никакви околности“ не се движи кон повисоко ниво на трошоци за одбрана, и покрај постојано растечките цели на НАТО, изјави денес чешкиот премиер Андреј Бабиш, јасно изразувајќи отстапување од ставот и политиката на претходната влада. Владата на Бабиш, предводена од неговата популистичка партија АНО, ја презеде власта во декември и се обидува да протурка ревидиран буџетски план за 2026 година низ парламентот. Но, таа се соочи со критики за помали трошоци за одбрана. Пред минатогодишните избори, Бабиш рече дека договорот на НАТО за постепено зголемување на трошоците за одбрана на 5 проценти од бруто домашниот производ е нереален. На прашањето во онлајн интервју денеска на новинскиот сервер Denik.cz дали владата е на добар пат да ја исполни основната цел за трошоци за одбрана од 3,5 проценти од БДП, што е утврдено во договорот со НАТО, Бабиш одговори негативно. „Наш приоритет е здравјето на нашите граѓани, за да можат да живеат долго“, рече тој. Бабиш победи на минатогодишните избори, меѓу другото, благодарение на ветувањата за посилно фокусирање на животниот стандард на луѓето - со зголемување на платите, намалување на некои даноци и додавање нови бенефиции. Чешка Автор/Извор А.С. Прикажи во метро On