اقوام متحدہ کی فلسطینی علاقوں سے متعلق ماہر فرانسسکا البانیز نے جمعرات کو ان کی نجی زندگی پر اسرائیل اور اس کے حامیوں کی جانب سے ’زہریلے‘ حملوں کی مذمت کی ہے۔ اقوام متحدہ کی ماہر کا یہ بیان بعض یورپی ریاستوں کی طرف سے اس مطالبے کے بعد سامنے آیا ہے کہ فرانسسکا کو اپنے عہدے سے مستعفی ہوجانا چاہیے کیونکہ انہوں نے اسرائیل پر کھلے لفظوں میں اور براہ راست تنقید کی ہے۔ فرانسسکا البانیز پر حملوں کی بنیادی وجہ ان کا وہ مؤقف ہے جو وہ مقبوضہ فلسطینی علاقوں میں انسانی حقوق کی صورتِ حال کے بارے میں اختیار کرتی آئی ہیں۔ وہ اقوامِ متحدہ کی خصوصی نمائندہ کی حیثیت سے اسرائیل کی پالیسیوں پر سخت تنقید کرتی رہی ہیں، خصوصاً غزہ اور مغربی کنارے میں فوجی کارروائیوں، بستیوں کی توسیع اور شہری آبادی کے حالات کے بارے میں۔ اُن کی حالیہ رپورٹس اور بیانات میں جنگی جرائم اور بین الاقوامی قانون کی خلاف ورزیوں کے الزامات کا ذکر کیا گیا، جس پر چند مغربی ممالک نے شدید اعتراض اٹھایا۔ حالیہ ہفتوں کے دوران جرمنی، فرانس اور اٹلی نے فرانسسکا کو سخت تنقید کا نشانہ بناتے ہوئے مطالبہ کیا تھا کہ وہ اپنے عہدے سے مستفی ہو جائیں۔ فرانسسکا البانیز ایک اطالوی قانون دان ہیں۔ ان کا کہنا ہے کہ ان کے اسرائیل کے بارے میں خیالات کو سیاق و سباق سے الگ کر کے دیکھا گیا ہے۔ انہوں نے کہا کہ میں آپ کو بتا سکتی ہوں کہ کس طرح مجھ پر ایسے افسوسناک حملے کیے گئے ہیں جو میری شخصیت اور میرے خاندان کے لیے سخت تکلیف اور نقصان کا باعث ہیں۔ پچھلے چند دن، چند ہفتے بلکہ چند مہینوں سے میں اس تکلیف دہ صورت حال سے گزر رہی ہوں۔ فرانسسکا نے جو کہ فلسطینی علاقوں کے لیے اقوام متحدہ کی غیر جانبدار خصوصی ماہر ہیں ان خیالات کا اظہار اردن سے ویڈیو لنک پر صحافیوں کے ساتھ بات چیت کرتے ہوئے کیا۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) خبر رساں ادارے روئٹرز نے ایک ایسا خط بھی دیکھا ہے جو اسرائیلی حکومت نے جنیوا میں اپنے مستقل مشن کو لکھا ہے۔ خط میں فرانسسکا کا ذکر کرتے ہوئے کہا گیا ہے کہ وہ اسرائیل کے بارے میں گفتگو کرتے ہوئے اقوام متحدہ کے ضابطہ اخلاق کی خلاف ورزی کی مرتکب ہو رہی ہیں۔ یہ خط 15 فروری کو لکھا گیا ہے۔ خط میں کہا گیا ہے جہاں تک اس بات کا تعلق ہے جب سے ان کو اقوام متحدہ کی طرف سے اختیار دیا گیا ہے وہ اپنے رویے سے اقوام متحدہ کی ساکھ اور اخلاقی حیثیت کو کمزور کر رہی ہیں اور بار بار یہود مخالف گفتگو کرتی ہیں اور یہودیوں پر الزام لگاتی ہیں۔ فرانسسکا اس اسرائیلی الزام کی تردید کرتی ہیں۔ منگل کو جنیوا میں فرانسیسی مشن کے لیے نمائندے نے اس تشویش کا دوبارہ اظہار کیا جو فرانس کے وزیر خارجہ البانیز کے بارے میں اس سے پہلے بیان کر چکے تھے۔ فرانسیسی مشن کے سربراہ نے کہا اقوام متحدہ کی نمائندہ کے بیانات انتہائی طور پر مسائل پیدا کرنے والے ہیں۔ تاہم سفارتی مشن کے سربراہ نے فرانسسکا البانیز کا نام لیے بغیر یہ بات کہی ہے۔ انہوں نے مزید کہا تمام نمائندوں جو اقوام متحدہ سے وابستہ ہیں اور خصوصی طور پر غیر جانبدار ماہرین کو اپنے کام کے دوران تحمل اور اعتدال سے کام لینا چاہیے۔ کیونکہ یہ ان کے ذمہ لگائے گئے کام اور اختیار کا بھی تقاضا ہے۔ فرانسسکا نے جولائی میں امریکہ کی طرف سے اپنے اوپر لگائی پابندیوں کو بین الاقوامی سطح پر احتساب کی سرگرمیوں کو کمزور کرنے کی حکمت عملی قرار دیا۔ امریکہ نے انسانی حقوق کی کونسل کے لیے لکھی گئی فرانسسکا کی اس رپورٹ پر پابندی عائد کی تھی جس میں سفارش کی گئی تھی کہ امریکی و اسرائیلی حکام کے علاوہ ان کی کمپنیوں کے خلاف فوری طور پر بین الاقوامی فوجداری عدالت کے ذریعے کارروائی کی جائے۔ اقوام متحدہ کی ماہر نے کہا کہ انہیں حالیہ حملوں کے ذریعے ان کاموں سے روکنے کی کوشش کی گئی ہے جس کے ذریعے وہ جنگی جرائم میں ملوث شخصیات کے خلاف کام کر رہی ہیں۔ اقوام متحدہ کے انسانی حقوق کمیشن کے صدر سدھارتو رضا نے پیر کو اقوام متحدہ کے مینڈیٹ کی حامل شخصیت پر حملے کیے جانے پر تشویش ظاہر کی تھی اور کہا تھا کہ کونسل ان کی حمایت کے اپنے مؤقف کا اعادہ کرتی ہے۔ کونسل کے صدر نے یہ بھی کہا کہ غیر جانبدار ماہرین اور نمائندوں کو آزادانہ ماحول اور موقع دینا اور ان کے تحفظ کو برقرار رکھنا ضروری ہے۔ تاکہ وہ مؤثر طریقے سے اپنا کام کر سکیں۔ اقوام متحدہ غزہ فلسطین فرانسسکا البانیز پر حملوں کی بنیادی وجہ اُن کا وہ مؤقف ہے جو وہ مقبوضہ فلسطینی علاقوں میں انسانی حقوق کی صورتِ حال کے بارے میں اختیار کرتی آئی ہیں۔ روئٹرز جمعہ, فروری 27, 2026 - 10:15 Main image:

اقوام متحدہ میں مقبوضہ فلسطینی علاقوں کے لیے انسانی حقوق کی خصوصی نمائندہ فرانسسکا البانیز 5 فروری 2025 کو ڈنمارک کے شہر کوپن ہیگن میں اقوام متحدہ سٹی میں ایک پریس کانفرنس کے دوران انسانی حقوق کی صورت حال پر اظہارِ خیال کر رہی ہیں (جیمز بروکس / اے ایف پی)

دفتر type: news related nodes: 20 سال یورپ میں فلسطینیوں کی آواز بننے والی لیلیٰ کون تھیں؟ اقوام متحدہ کا مالی بحران امن مشن کو متاثر کر رہا ہے: پاکستان بین الاقوامی قوانین کے احترام میں کمی آئی ہے: اقوام متحدہ میں پاکستانی مندوب امریکہ کا 66 بین الاقوامی اور اقوام متحدہ کے اداروں سے دستبرداری کا اعلان SEO Title: اقوام متحدہ کی نمائندہ فرانسسکا البانیز ’زہریلے‘ حملوں کی زد میں کیوں؟ copyright: show related homepage: Hide from Homepage