انڈیا نے ٹی 20 ورلڈ کپ کے سیمی فائنل تک رسائی حاصل کرنے کے لیے سپر ایٹ مرحلے میں ویسٹ انڈیز کے خلاف فیصلہ کن میچ سے قبل جمعرات کو نہ صرف زمبابوے کے لیے اپنی ’بے خوف‘ کرکٹ کا مظاہرہ کیا بلکہ اگلے میچ کے لیے بھی یہ عزم دہرایا ہے۔ ٹورنامنٹ کے شریک میزبان انڈیا نے جمعرات کو چنئی میں زمبابوے کو 72 رنز سے شکست دے کر واپسی کی۔ اس سے قبل سپر ایٹ کے پہلے میچ میں اسے جنوبی افریقہ کے ہاتھوں بھاری شکست ہوئی تھی۔ انڈیا کے اوپنر ابھیشک شرما کے دھواں دار 55 رنز اور ہاردک پانڈیا کے ناقابل شکست 50 رنز کے ساتھ ٹیم نے چار وکٹوں کے نقصان پر مجموعی طور پر 256 رنز بنائے، جو ٹورنامنٹ کی تاریخ میں دوسرا سب سے بڑا سکور ہے۔ انڈین بلے بازوں نے ایم اے چدمبرم سٹیڈیم میں کھیلے گئے میچ میں مخالف بولرز کی دھلائی کرتے ہوئے 17 چھکوں اور 17 چوکوں کی برسات کی۔ انڈیا اب اتوار کو گروپ اے سے دوسرے سیمی فائنلسٹ کے فیصلے کے لیے کولکتہ میں ویسٹ انڈیز کا سامنا کرے گا، جو جنوبی افریقہ کے ہاتھوں نو وکٹوں سے شکست کھا چکی ہے۔ انڈین بلے باز تلک ورما نے کہا: ’ہم بے خوف کرکٹ کھیلنا چاہتے ہیں، وہی کرکٹ جو ہم آج اور پچھلے سال سے کھیل رہے ہیں۔‘ انہوں نے مزید کہا: ’ہم یہی عزم اگلے میچ میں بھی برقرار رکھیں گے اور ٹورنامنٹ میں آگے بڑھتے ہوئے اسی شدت کے ساتھ کھیلیں گے۔‘ انڈیا کے تلک ورما 26 فروری 2026 کو چنئی کے ایم اے چدمبرم سٹیڈیم میں انڈیا اور زمبابوے کے درمیان آئی سی سی ٹی 20 کرکٹ ورلڈ کپ کے سپر ایٹ میچ کے دوران (سجاد حسین / اے ایف پی) بائیں ہاتھ سے کھیلنے والے تلک ورما نے 19 گیندوں پر 44 رنز کی اننگز کھیلتے ہوئے ہاردک پانڈیا کے ساتھ ناقابل شکست 84 رنز کی شراکت قائم کی، جس میں پانڈیا نے دو چھکے لگا کر اپنی نصف سنچری مکمل کی۔ یہ سب انڈیا کے لیے اسی وقت ممکن ہوا جب اوپننگ جوڑی کو دوبارہ ترتیب دیا گیا۔ سنجو سیمسن کی واپسی نے ٹیم کو تیز آغاز فراہم کیا، جنہوں نے 15 گیندوں پر 24 رنز بنائے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) بائیں ہاتھ سے کھیلنے والے ابھیشک شرما نے اپنی پہلی ٹی 20 ورلڈ کپ نصف سنچری بنا کر فارم بحال کی۔ اس سے قبل اس ٹورنامنٹ میں چار اننگز میں وہ تین مرتبہ ڈک آؤٹ ہوئے تھے۔ تلک ورما نے کہا: ’یہ اہم ہے کہ جب اوپنرز ہمیں اچھا آغاز دیں، تو نمبر تین، چار اور پانچ کو بھی اعتماد ملتا ہے۔ انہوں نے مزید کہا: ’ہم نے طے کیا ہے کہ چاہے پاور پلے میں تین یا چار وکٹیں بھی گر جائیں، ہم اسی انداز میں بیٹنگ کریں گے۔ ’ہم مخالف بولرز میں خوف پیدا کرنا چاہتے ہیں کہ یہ لوگ ہر بال پر حملہ کرنے کے لیے تیار ہیں۔‘ دنیا کی نمبر ون ٹی 20 ٹیم انڈیا سے اس ٹورنامنٹ میں توقع کی جا رہی تھی کہ وہ 300 رنز کا ہندسہ عبور کرے گی، لیکن ان کی بیٹنگ کمزور نظر آئی۔ خاص کر امریکہ کے خلاف میچ، جس نے انڈیا کو چھ وکٹوں کے نقصان پر 77 رنز تک محدود کر دیا۔ تلک ورما نے کہا کہ وہ ویسٹ انڈیز کے خلاف اپنی ٹیم کے منصوبوں میں محتاط رہیں گے، جنہوں نے سپر ایٹس کے پہلے میچ میں زمبابوے کے خلاف چھ وکٹوں کے نقصان پر 254 رنز بنائے۔ انڈیا کے ہاردک پانڈیا 26 فروری 2026 کو چنئی کے ایم اے چدمبرم سٹیڈیم میں انڈیا اور زمبابوے کے درمیان آئی سی سی ٹی 20 کرکٹ ورلڈ کپ کے سپر ایٹ میچ کے دوران بولنگ کرواتے ہوئے (سجاد حسین / اے ایف پی) تلک ورما نے کہا: ’اگر وکٹ اچھی نہ ہو تو ہم ایڈجسٹ کریں گے اور اسی شدت کے ساتھ کھیلیں گے۔‘ انہوں نے مزید کہا: ’میں یہ نہیں کہوں گا کہ ہم 250 سے زیادہ سکور کرنا چاہتے ہیں، لیکن اگر ہمیں اچھا آغاز ملے تو ضرور کوشش کریں گے۔‘ انڈین بولنگ بھی اچھی نظر آئی اور بائیں ہاتھ کے فاسٹ بولر ارشدیپ سنگھ نے 24 رنز دے کر تین وکٹیں حاصل کیں اور چھ وکٹوں کے نقصان پر زمبابوے کو 184 رنز تک محدود کر دیا۔ اس طرح وہ سینیئر پیسر جسپریت بمرا کو پیچھے چھوڑتے ہوئے 35 وکٹوں کے ساتھ انڈیا کے لیے ٹی 20 ورلڈ کپ میں سب سے زیادہ وکٹیں لینے والے بولر بن گئے۔ بمرہ کے پاس 33 وکٹوں کا ریکارڈ ہے۔ ارشدیپ نے صحافیوں کو بتایا: ’ہم پچھلے چند سالوں سے اچھا کر رہے ہیں، اس لیے کسی شکست یا رکاوٹ کے بعد بھی گروپ کا اعتماد موجود تھا۔‘ انہوں نے کہا: ’ہمیں بس عمل کرنا تھا اور نتیجہ ہمارے حق میں آ جائے گا۔ یہ سوچ بہت سادہ تھی اور ہم اس کا لطف اٹھا رہے ہیں۔‘ اگرچہ انڈیا 2024 کے ٹی 20 ورلڈ کپ کا فاتح ہے، تاہم یہ بھی ایک حقیقت ہے کہ اب تک کسی ٹیم نے ٹی 20 ورلڈ کپ دوبارہ نہیں جیتا اور نہ ہی کسی ٹیم نے ہوم گراؤنڈ پر ٹرافی حاصل کی ہے۔ انڈیا ٹی 20 ورلڈ کپ 2026 انڈین بلے باز تلک ورما نے کہا: ’ہم بے خوف کرکٹ کھیلنا چاہتے ہیں، وہی کرکٹ جو ہم آج اور پچھلے سال سے کھیل رہے ہیں۔‘ اے ایف پی جمعہ, فروری 27, 2026 - 13:15 Main image:

انڈیا کے ہاردک پانڈیا (دائیں) 26 فروری 2026 کو چنئی کے ایم اے چدمبرم سٹیڈیم میں انڈیا اور زمبابوے کے درمیان 2026 آئی سی سی مین ٹی 20 کرکٹ ورلڈ کپ کے سپر ایٹ میچ کے دوران اپنی نصف سنچری بنانے کے بعد جشن مناتے ہوئے جبکہ ان کے ساتھی تلک ورما (بائیں) انہیں دیکھ رہے ہیں (سجاد حسین / اے ایف پی)

کرکٹ type: news related nodes: ٹی 20 ورلڈ کپ سپر 8: پاکستان اور نیوزی لینڈ کا میچ بارش کی نذر ٹی ٹوئنٹی ورلڈ کپ: پاکستان کے سیمی فائنل میں پہنچنے کا کتنا امکان ہے؟ ٹی ٹوئنٹی ورلڈ کپ: انڈین بلے باز ابھیشیک کو پیٹ میں تکلیف، ہسپتال میں داخل جنوبی افریقہ سے ہار، انڈیا کی سیمی فائنل رسائی خطرے میں؟ SEO Title: سپر ایٹ: ویسٹ انڈیز کے خلاف اہم میچ میں انڈیا ’بے خوف کرکٹ‘ کھیلنے کے لیے پرعزم copyright: show related homepage: Show on Homepage