O presidente da Real Academia Galega, Henrique Monteagudo, e o alcalde de Pontevedra, Miguel Anxo Fernández Lores, asinaron este 27 de febreiro un acordo estratéxico para elaborar o Mapa sociolingüístico escolar do municipio. O proxecto, que presentará os seus resultados na primavera de 2027, analizará os usos lingüísticos de alumnado, familias e docentes co obxectivo de deseñar ferramentas eficaces contra o devalo do idioma.