ایران پر ہفتے کو امریکہ اور اسرائیل کے حملوں کے بعد تیزی سے بدلتی سکیورٹی صورتحال کے باعث پاکستان انٹرنیشنل ایئرلائنز (پی آئی اے) سمیت کئی بین الاقوامی فضائی کمپنیوں نے خطے کے لیے پروازیں معطل کر دی ہیں۔ پی آئی اے کے ترجمان کی جانب سے جاری بیان کے مطابق قومی ایئر لائن نے متحدہ عرب امارات، بحرین، کویت اور دوحہ کے لیے اپنی پروازیں عارضی طور پر معطل کرنے کا اعلان کر دیا ہے۔ ترجمان کے مطابق متعلقہ ممالک کی فضائی حدود کھلنے یا کل شام تک پروازیں بند رہیں گی، جبکہ سعودی عرب جانے والی پروازوں کا رخ تبدیل کر کے تنازع سے متاثرہ علاقوں سے بچاتے ہوئے چلایا جا رہا ہے۔ In view of the developing situation in the Middle East, #PIA is suspending its flights to #UAE , #Bahrain , #Kuwait and #Doha till tomorrow evening, or till opening of respective airspaces. Flights to #KSA have been rerouted, avoiding conflict hit zones.… — PIA (@Official_PIA) February 28, 2026 مسافروں کو ہدایت کی گئی ہے کہ وہ پروازوں کی معلومات یا متبادل بکنگ کے لیے پی آئی اے کال سینٹر سے رابطہ کریں۔ قطری فضائی حدود بند، قطر ایئرویز کی پروازیں عارضی طور پر معطل خطے میں جاری کشیدہ صورت حال کے باعث قطر ایئرویز نے قطری فضائی حدود بند ہونے کے بعد دوحہ آنے اور جانے والی تمام پروازیں عارضی طور پر معطل کرنے کا اعلان کر دیا ہے۔ Temporary Suspension of Qatar Airways Flights due to Qatari Airspace Closure Qatar Airways Group confirms the temporary suspension of its flights to, and from, Doha due to the closure of Qatari airspace. The airline is working closely with government stakeholders and the… — Qatar Airways (@qatarairways) February 28, 2026 ایئرلائن کے بیان کے مطابق متاثرہ مسافروں کی مدد کے لیے حکومتی اداروں اور متعلقہ حکام کے ساتھ قریبی رابطہ رکھا جا رہا ہے، جبکہ فضائی حدود کھلتے ہی پروازوں کا آپریشن بحال کر دیا جائے گا۔ کمپنی کا کہنا ہے کہ معمول کی پروازیں بحال ہونے کے بعد فلائٹ شیڈول میں تاخیر کا امکان ہے، اسی لیے حمد انٹرنیشنل ایئرپورٹ سمیت دیگر اہم ایئرپورٹس پر اضافی گراؤنڈ سٹاف تعینات کر دیا گیا ہے تاکہ مسافروں کو سہولت فراہم کی جا سکے۔ ایئر انڈیا نے بھی مشرق وسطیٰ کے تمام ممالک کے لیے اپنی پروازیں عارضی طور پر معطل کرنے کا اعلان کر دیا ہے۔ ایئرلائن کے بیان کے مطابق مسافروں اور عملے کی حفاظت اولین ترجیح ہے، اسی لیے موجودہ سکیورٹی حالات کا مسلسل جائزہ لیا جا رہا ہے اور ضرورت کے مطابق فلائٹ آپریشنز میں تبدیلی کی جائے گی۔ #TravelAdvisory In view of the developing situation in parts of the Middle East, all Air India flights to all destinations in the Middle East have been suspended. We remain committed to maintaining the highest standards of safety for our passengers and crew. We will continue to… — Air India (@airindia) February 28, 2026 کمپنی کا کہنا ہے کہ متاثرہ مسافروں کو ہر ممکن سہولت اور معاونت فراہم کرنے کے لیے ٹیمیں متحرک کر دی گئی ہیں، جبکہ صورتحال بہتر ہوتے ہی پروازوں کی بحالی سے متعلق آگاہ کیا جائے گا۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) ادھر فرانسیسی فضائی کمپنی ایئر فرانس نے بھی دبئی، ریاض، تل ابیب اور بیروت کے لیے پروازیں معطل کرنے کا اعلان کیا ہے۔ خبر رساں ادارے اے ایف پی کے مطابق کمپنی کے مطابق سکیورٹی خدشات کے پیش نظر 28 فروری اور یکم مارچ کی پروازیں منسوخ کی گئی ہیں، جبکہ تل ابیب کے لیے سروس اتوار تک بند رہے گی۔ یہ فیصلے ایسے وقت میں سامنے آئے ہیں جب ایران پر امریکہ اور اسرائیل کی جانب سے حملوں کے بعد خطے میں کشیدگی بڑھ گئی ہے۔ امریکی صدر ڈونلڈ ٹرمپ نے ایرانی بحری اور میزائل تنصیبات کو نشانہ بنانے کا اعلان کرتے ہوئے سخت کارروائی کا عندیہ دیا ہے۔ کشیدگی کے باعث مشرق وسطیٰ کے متعدد ممالک نے جزوی طور پر اپنی فضائی حدود بند کر دی ہیں، جس کے نتیجے میں خطے بھر میں پروازوں کی منسوخی اور روٹس کی تبدیلی کا سلسلہ جاری ہے۔ ایران اسرائیل کشیدگی حملہ امریکہ ائیر لائنز بین الاقوامی ایئر لائنز کی پروازوں کی منسوخی ایسے وقت میں سامنے آئی ہیں جب ایران پر امریکہ اور اسرائیل کی جانب سے حملوں کے بعد خطے میں کشیدگی بڑھ گئی ہے۔ انڈپینڈنٹ اردو ہفتہ, فروری 28, 2026 - 17:00 Main image:

ایران پر ہفتے کو امریکہ اور اسرائیل کے حملوں کے بعد کئی بین الاقوامی فضائی کمپنیوں نے خطے کے لیے پروازیں منسوخ کر دی ہیں (سکرین گریب/فلائٹ ریڈار 24)

دنیا jw id: wmri3qF4 type: video related nodes: امریکہ، اسرائیل مشترکہ حملہ: ایران کے خلیجی ممالک میں امریکی فوجی اڈوں پر حملے ایران پر امریکی حملہ، اصل ہدف کیا ہے؟ ایران میں پاکستانیوں کو سفری دستاویزات تیار رکھنے کی ہدایت امریکہ سے مذاکرات میں ’اچھی پیش رفت‘ ہوئی، آئندہ دور اگلے ہفتے ہوگا: ایران SEO Title: ایران پر حملہ: پی آئی اے سمیت کئی ایئر لائنز کی مشرق وسطیٰ کے لیے پروازیں معطل copyright: show related homepage: Hide from Homepage