RFI ខេមរភាសា តើប្រតិបត្តិការអាមេរិក-អ៊ីស្រាអែល វាយប្រហារអ៊ីរ៉ង់ អាចបង្កផលប៉ះពាល់អ្វីខ្លះមកលើវិស័យប្រេង?
ប្រតិបត្តិការវាយប្រហារទៅលើអ៊ីរ៉ង់ ពីសំណាក់សហរដ្ឋអាមេរិកនិងអ៊ីស្រាអែល កំពុងធ្វើឲ្យមានការព្រួយបារម្ភជាខ្លាំង អំពីការរីករាលដាលភ្លើងសង្គ្រាមទូទាំងតំបន់ដើមបូព៌ា។ ក្រុមហ៊ុនអាកាសចរណ៍សឹងទាំងអស់ដែលមានគោលដៅទៅតំបន់នេះ បានលុបចោលជើងហោះហើរជាបន្តបន្ទាប់។ លើសពីបញ្ហាចរាចរណ៍ផ្លូវអាកាស ស្ថានការណ៍នេះក៏អាចបង្កការប៉ះពាល់ខ្លាំង ទៅលើការដឹកជញ្ជូនប្រេង។ ច្រកសមុទ្រអរមូហ្ស (Ormuz) ដែលស្ថិតនៅមុខផ្ទះអ៊ីរ៉ង់ គឺជាច្រកចេញចូលដ៏សំខាន់នៃការដឹកជញ្ជូនប្រេងពិភពលោក។ អ៊ីរ៉ង់ក៏ជាប្រទេសផលិតប្រេងមួយដ៏ធំដែរ។