پاکستان صاحبزادہ فرحان کی سنچری اور سری لنکا سے میچ جیتنے کے باوجود ٹی 20 ورلڈ کپ کے ناک آؤٹ مرحلے سے باہر ہو گیا۔ پاکستان ٹیم ہفتے کو کینڈی میں سری لنکا کرکٹ ٹیم کے خلاف مطلوبہ 65 رنز کے فرق سے فتح حاصل نہ کر سکی۔ پہلے بیٹنگ کرتے ہوئے پاکستان کرکٹ ٹیم نے 212 رنز کا بڑا مجموعہ سکور کیا اور بظاہر مطلوبہ مارجن سے کامیابی کی مضبوط پوزیشن میں نظر آ رہی تھی۔ تاہم سری لنکا نے 16ویں اوور کی پانچویں گیند پر 148 رنز کا ہدف عبور کر لیا، جس کے ساتھ ہی پاکستان کا ایونٹ میں سفر باضابطہ طور پر ختم ہوگیا۔ اس نتیجے کے بعد نیوزی لینڈ کرکٹ ٹیم گروپ 2 سے سیمی فائنل میں پہنچنے والی دوسری ٹیم بن گئی، جبکہ انگلینڈ کرکٹ ٹیم پہلے ہی اگلے مرحلے کے لیے کوالیفائی کر چکی تھی۔ سری لنکن کپتان نے ٹاس جیت کر پہلے پاکستان کو بیٹنگ کرنے کا فیصلہ کیا۔ اس میچ کے لیے پاکستانی ٹیم میں بڑی تبدیلیاں کی گئیں اور بابر اعظم، صائم ایوب اور سلمان مرزا کو پلیئنگ الیون سے باہر رکھا گیا، جبکہ ان کی جگہ نسیم شاہ، خواجہ نافع اور ابرار احمد کو شامل کیا گیا۔ پاکستانی ٹیم نے پہلے بیٹنگ کرتے ہوئے مقررہ 20 اوورز میں آٹھ وکٹوں کے نقصان پر 212 رنز کا بڑا مجموعہ ترتیب دیا، تاہم جواب میں سری لنکا نے بھرپور مقابلہ کرتے ہوئے 207 رنز بنائے۔ میچ میں صاحبزادہ فرحان نے آئی سی سی مینز ٹی20 ورلڈ کپ 2026 میں شاندار کارکردگی دکھاتے ہوئے ایک نیا ریکارڈ قائم کر دیا۔ میچ سے پہلے ویراٹ کوہلی کے 2014 کے ٹی20 ورلڈ کپ میں بنائے گئے 319 رنز کے ریکارڈ سے صرف 38 رنز پیچھے تھے۔ فخر زمان نے 84 رنز کی اننگز کھیلی۔ دونوں کے درمیان 176 رنز کی یادگار شراکت قائم ہوئی۔ فرحان نے ایک چوکا لگا کر اپنا سکور 40 تک پہنچایا اور اسی کے ساتھ کوہلی کا ریکارڈ بھی توڑ دیا۔ وہ پورے ٹورنامنٹ کے دوران غیر معمولی فارم میں رہے اور ابتدا ہی سے سب سے زیادہ رنز بنانے والے بیٹر بن گئے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) انہوں نے امریکا اور انگلینڈ کے خلاف دو نصف سنچریاں جبکہ نمیبیا اور سری لنکا کے خلاف دو سنچریاں سکور کیں۔ فرحان نے یہ رنز 158 سے زائد کے اسٹرائیک ریٹ سے بنائے، جبکہ کوہلی نے 2014 میں چار نصف سنچریوں کی مدد سے 129.14 کے اسٹرائیک ریٹ سے رنز سکور کیے تھے۔ صاحبزادہ فرحان اس ایونٹ میں سب سے زیادہ چھکے لگانے والے بیٹر بھی بن گئے اور سری لنکا کے خلاف اننگز کے دوران شمرون ہیٹمائر کے 17 چھکوں کا ریکارڈ بھی پیچھے چھوڑ دیا۔ تاہم دیگر بیٹرز خاطر خواہ کارکردگی نہ دکھا سکے اور کوئی بھی ڈبل فیگر تک نہ پہنچ سکا۔ خواجہ نافع 2، شاداب خان 7 جبکہ محمد نواز اور سلمان آغا بغیر کوئی رن بنائے آؤٹ ہوئے۔ یہ فرحان کی ٹی ٹوئنٹی ورلڈ کپ 2026 میں دوسری سنچری تھی، جس کے ساتھ وہ ایک ہی ایڈیشن میں دو سنچریاں بنانے والے پہلے کھلاڑی بن گئے۔ 213  رنز کے ہدف کے تعاقب میں سری لنکن ٹیم نے 6 وکٹوں کے نقصان پر 207 رنز بنائے۔ کپتان داسن شناکا نے 76 رنز کی نمایاں اننگز کھیلی جبکہ پوون رتنائیکے نے 58 رنز سکور کیے۔ پاکستان کی جانب سے ابرار احمد تین وکٹیں لینے میں کامیاب رہے، جبکہ محمد نواز، نسیم شاہ اور شاہین آفریدی نے ایک، ایک کھلاڑی کو آؤٹ کیا۔ کرکٹ ٹی 20 ورلڈ کپ 2026 پاکستان بمقابلہ سری لنکا پاکستان صاحبزادہ فرحان کی سنچری اور سری لنکا سے میچ جیتنے کے باوجود ٹی 20 ورلڈ کپ کے ناک آؤٹ مرحلے سے باہر ہو گیا۔ انڈپینڈنٹ اردو ہفتہ, فروری 28, 2026 - 22:30 Main image:

کینڈی میں 28 فروری 2026 کو کھیلے گئے آئی سی سی مینز ٹی ٹوئنٹی ورلڈ کپ کے سپر ایٹ مرحلے کے میچ کے دوران پاکستان کے کپتان سلمان آغا سری لنکا کے خلاف مقابلے میں افسردہ نظر آ رہے ہیں (اے ایف پی)

کرکٹ type: news related nodes: مشرق وسطیٰ کی صورت حال: آئی سی سی کا ٹی20 ورلڈ کپ سے متعلق ہنگامی اقدام کا اعلان ٹی 20 ورلڈ کپ: انگلینڈ نے نیوزی لینڈ کو ہرا کر پاکستانی امیدیں جگا دیں ٹی ٹوئنٹی ورلڈ کپ: پاکستان کے سیمی فائنل میں پہنچنے کا کتنا امکان ہے؟ ٹی 20 ورلڈ کپ: پاکستانی اوپنر کی انگلینڈ کو ’سپن‘ کی تنبیہ SEO Title: ٹی 20 ورلڈ کپ: پاکستان سری لنکا سے جیت کے باوجود سیمی فائنل کی دوڑ سے باہر copyright: Translator name: عبدالقیوم show related homepage: Hide from Homepage