ဝၼ်းတီႈ 28/02/2026 ၼႆႉ ဢမေႊရိၵၼ်ႊလႄႈ ဢိတ်ႉသ်ရေႊလ် ႁူမ်ႈၵၼ်ပိုတ်းယိုဝ်းမိူင်းဢီႊရၼ်ႊ။ ႁဵတ်းႁႂ်ႈ ဢီႊရၼ်ႊ ၶိုၼ်းပိုတ်းယိုဝ်းသႂ်ႇပၢင်သဝ်းသိုၵ်းဢမေႊရိၵၼ်ႊ ဢၼ်မီးတီႈ မိူင်းပႃႊရဵၼ်ႊ ဝၼ်းဢွၵ်ႇၵၢင်။ ဢီႊရၼ်ႊ ပိုၼ်ၽၢဝ်ႇဝႃႈ မၢၵ်ႇတူၵ်းတိူဝ်ႉသႂ်ႇ တပ်ႉပၢင်သဝ်းတပ်ႉၼမ်ႉ မၢႆ 5 ၶွင်ဢမေႊရိၵၼ်ႊ ဢၼ်မီးတီႈဝဵင်းလူင်မႃႊၼႃႊမႃႊ ၼႂ်းမိူင်းပႃႊရဵၼ်ႊ။ ၵဵဝ်ႇလူၺ်ႈလွင်ႈမၢတ်ႇၸဵပ်းလူႉတၢႆလူႉသုမ်းတႄႉ ဢမေႊရိၵၼ်ႊတႄႉ ဢမ်ႇပိုတ်ႇလၢတ်ႈပိုၼ်ၽၢဝ်ႇသင်။ ၼွၵ်ႈလိူဝ်ၼၼ်ႉ ဢိင်ၼိူဝ်ၶေႃႈပိုၼ်ၽၢဝ်ႇ တပ်ႉသိုၵ်းဢၼ်ယႂ်ႇသုတ်းၶွင်ဢီႊရၼ်ႊ IRGC ပိုၼ်ၽၢဝ်ႇဝႆႉၽႅၼ်ယၢၼ်ႇသိုၵ်း (Truthful Promise 4) ၵတိသဵတ်ႈၸႃႇၶေႃႈထိ 4 သေ မိူဝ်ႈၶမ်ႈဝႃးတင်းၶိုၼ်း ဢီႊရၼ်ႊ ယိုဝ်းမၢၵ်ႇလူင် သႂ်ႇတပ်ႉပၢင်သဝ်း သိုၵ်းဢမေႊရိၵၼ်ႊ လႄႈ ဢိတ်ႉသ်ရေႊလ် ။ သိုၵ်းဢမေႊရိၵၼ်ႊလႆႈယိုဝ်းတူၵ်းတင်းၶိုၼ်း ။ ယူႇတီႈမိူင်းယူႊဢေႊဢီႊ၊ ၶူႊဝဵတ်ႉ၊ ၵႃႊတႃ ၸိူဝ်းၼႆႉသေ လႆႈငိၼ်း လႆႈႁၼ်ယူႇၼႆ ၶၢဝ်ႇယႂ်ႇပီႊပီႊသီႊ ၵေႃႈဢွၵ်ႇဝႆႉၼင်ႇၼႆ။ မၢၵ်ႇဢၼ်ဢီႊရၼ်ႊယိုဝ်းမႃးၼၼ်ႉ တပ်ႉပၢင်သဝ်းသိုၵ်းဢမေႊရိၵၼ်ႊ […] The post မိူင်းဢီႊရၼ်ႊ ၶိုၼ်းယိုဝ်းတွပ်ႇတႅၼ်း သိုၵ်းဢမေႊရိၵၼ်ႊ တီႈဝၼ်းဢွၵ်ႇၵၢင် appeared first on SHAN News .