Æðstiklerkur Írans Ali Khamenei var drepinn í árásum Bandaríkjanna og Ísrael og Íran sem hófust að morgni þann 28. febrúar. Aðsetur Ali Khameini í miðborg Teheran, höfuðborg Íran, var eitt af fyrstu skotmörkum árásanna. Talsverð óvissa var fram eftir degi í gær og tilkynntu íranskir fjölmiðlar að Khameini myndi koma fyrir þjóðina í ávarpi en allt kom fyrir ekki. Írönsku fjölmiðlarnir Tasnim og Fars staðfestu svo andlát Khameini í nótt. Þá var einnig tilkynnt að dóttir Khameini, tengdasonur og barnabarn hefðu verið drepin í árásunum. Fjöldi annarra hátt settra leiðtoga landsins voru einnig felldir í árásunum í gær, þar á meðal Aziz Nasirzadeh, varnarmálaráðherra Íran, Mohammad Pakpour, yfirmaður byltingarvarðarins, hershöfðinginn Abdolrahim Mousavi og Ali Shamkani, öryggisráðgjafi Khameini. Heita hefndum fyrir árásirnar Íranski byltingarvörðurinn hefur heitið hefndum fyrir árásirnar og voru árásir gerðar á nágrannaríki Íran í gær og bandarískar herstöðvar. Loftskeytum var sem dæmi skotið að Katar, Sameinuðu arabísku furstadæmunum, Barein, Kúveit og fleirum. Byltingarvörðurinn er ein áhrifamesta og öflugasta stofnun Írans og var stofnaður í kjölfar byltingarinnar 1979 sem mótvægi við hefðbundna herinn, sem klerkastjórnin treysti ekki. Nú heyrir vörðurinn beint undir Ali Khamenei, æðsta leiðtoga Írans, og hafa völd hans aukist til muna Donald Trump forseti Bandaríkjanna hefur varað við því í gær á Truth social að öllum hefndarárásum verði svarað með „afli sem hefur aldrei sést áður.“ Farið er ítarlega yfir núverandi hernaðarmátt Íran í færslunni hér fyrir neðan. Sumir fagna aðrir gráta Skiptar skoðanir eru meðal Írana um andlát Khomeini og var ýmist fagnað eða syrgt víða um landið. Fréttastofa BBC sagði meðal annars frá fagnaðarlátum í borginni Isfahan þar sem fólk safnaðist saman á götum úti þegar staðfest var að Khomeini væri allur. Þá var einnig fagnað í borginni Karaj sem er nærri Teheran. Í Teheran mátti þó sjá hópa fólks þar sem fólk syrgði Khomeini. Ali Khamenei æðstiklerkur Írans var fæddur 19. apríl 1939 í borginni Mashhad í norðaustur Íran. Hann var valinn æðstiklerkur 1989 og hefur gegnt embættinu alla tíð síðan. Andstaða við Khamenei og klerkastjórnina hefur aukist mjög á síðustu árum. Mótmælin á þessu ári eru þau umfangsmestu síðan haustið 2022 en klerkastjórnin hefur barið af hörku niður allar tilraunir íbúa til að krefjast meira frelsis. Þúsundir manna voru drepnir í mótmælunum fyrr á þessu ári og enn fleiri slösuðust og voru teknir til fanga en endanlegur fjöldi liggur ekki fyrir. Hver tekur við? Mikil óvissa er í Íran eftir dauða Khomeini og hafa stjórnvöld sagt að Masoud Pezeshkian forseti landsins muni fara með stjórn þangað til nýr æðstiklerkur hefur verið kosinn. Talið er mögulegt að það verði þó Ali Larijani, yfirmaður öryggisráðs Íran, sem raunverulega muni fara með stjórn þangað til að því kemur. Khomeini hafði farið með stjórn landsins í nærri 40 ár og var 86 ára gamall og var því viðbúið að arftaki hans myndi þurfa að stíga inn á næstunni. Khameini fór í felur þegar 12 daga stríð við Ísrael hófst í júní á síðasta ári og nefndi þá þrjá mögulega arftaka. Það eru þeir Gholam-Hossein Mohseni-Eje’i, einn nánasti ráðgjafi Khomeini, Ali Asghar Hejazi og Hassan Khomeini, barnabarn Khomeini. Talið er ólíklegt að hægt sé að bera brotthvarf Khomeini við það sem gerðist í Venesúela þegar Bandaríkin komu Nicolas Maduro frá völdum. Vald í Venesúela hafi að miklu leyti hverfst í kringum Maduro en mun fleiri sjálfstæðar stofnanir séu innan Íran. Því sé ólíklegt að Íran verði við óskum Bandaríkjamanna og Ísrael um að klerkastjórninni verði komið frá völdum. Átök halda áfram Bandaríkin og Ísrael gerðu nýjar árásir í morgun gegn skotmörkum í Íran. Bæði Donald Trump og Benjamin Netanjahú, forsætisráðherra Ísrael, hafa sagt að átökin muni halda áfram út vikuna. Trump hefur kallað eftir því að hermenn í Íran leggi niður vopn og að almennir borgarar taki við stjórn í landinu. Markmið árásanna séu nokkur, meðal annars að koma klerkastjórninni frá völdum og koma í veg fyrir að Íran komist yfir kjarnavopn eða langdrægar eldflaugar og að koma í veg fyrir að Íran geti ógnað Bandaríkjunum eða Ísrael.