Иран го нападна Оман со кој е во пријателски односи Александра Спасеска 01.03.2026 / 13:00 Свет Странски работник е повреден откако два дрона го погодија трговското пристаниште Дукм на источниот брег на Оман, објавија оманските државни медиуми во неделата, пренесува Anadolu. Државната новинска агенција ONA, повикувајќи се на официјален извор, соопшти дека пристаништето, кое се наоѓа во градот Дукм во покраината Ал Вуста, било „цел на два дрона“. SHOCKING NEWS Iran now launches first ever attack on Oman. Iran drones HIT the Port of Duqm, Oman had friendly ties with Iran, yet its port was targeted by Iran What is the problem with the Iranian regime? pic.twitter.com/dkDV8LfnRF https://t.co/FecNSb45VA — News Algebra (@NewsAlgebraIND) March 1, 2026 Едно од дроновите погодило мобилна станбена единица за работници, повредувајќи странски работник, додека остатоци од другото паднале во близина на резервоар за гориво, без да предизвикаат жртви или материјална штета, рече изворот. Танкер нападнат и покрај брегот на Оман Покрај тоа, утрово беше нападнат танкер за нафта на околу пет наутички милји од брегот на Масандам во Оман, соопшти центарот за поморска безбедност на земјата. Четири лица се повредени во нападот, а целиот дваесетчлен екипаж е евакуиран. Станува збор за брод со име Skylight кој пловел под знамето на Палау, мала островска држава во западниот Пацифик. Оманската морнарица и армија учествуваа во спасувачката операција, која, според соопштението на центарот, ја одразува националната подготвеност за справување со поморските инциденти. An oil tanker with a 20-member crew is ablaze in the Gulf of Oman after being attacked by Iran. Oman's authorities stated that the tanker was targeted north of Khasab port. pic.twitter.com/QEuL26pbxd — Channel 8 English (@Channel8English) March 1, 2026 Напад и покрај пријателските односи Ова е прв напад на Иран врз Оман, кој постојано посредуваше во индиректни нуклеарни преговори меѓу САД и Иран и има прилично пријателски односи со Иран. Оманските власти го осудија инцидентот, велејќи дека „преземаат сите потребни мерки за да се спротивстават на какви било дејствија што би можеле да ја загрозат безбедноста на земјата и оние што живеат во неа“, без да дадат дополнителни детали. Нападот со беспилотни летала следеше по американско-израелскиот напад врз Иран и одмаздничките напади на Техеран. Иран во неделата ја потврди смртта на врховниот лидер ајатолахот Али Хамнеи и неколку високи функционери во израелските и американските напади врз земјата. Иран Оман Автор/Извор А.С. Прикажи во метро On