Lista Serbe njoftoi se Njësia Speciale e Policisë së Kosovës ka hyrë këtë mëngjes në fshatin Suhogërllë në komunën e Sërbicës dhe ka arrestuar pesë serbë nën dyshimin për krime të pretenduara lufte. Nga Lista Serbe theksojnë se kjo është vetëm vazhdim i praktikës së regjimit të Albin Kurtit për të arrestuar serbë pa prova të vlefshme me qëllim frikësimin dhe përndjekjen e tyre, për çka, siç paralajmërojnë, do të bisedojnë me përfaqësuesit ndërkombëtarë dhe do të kërkojnë përfshirjen e tyre aktive në monitorimin e të gjitha proceseve gjyqësore që zhvillohen kundër serbëve.