Eparkia rashko-prizrenase shprehu shqetësim të thellë për arrestimet e sotme të serbëve në fshatin Suhogërllë dhe theksoi se ngjarja ka shkaktuar “tronditje dhe shqetësim të madh” mes banorëve që prej dekadash jetojnë në kushte pasigurie dhe izolimi. Në njoftim thuhet se janë ndaluar persona që komuniteti i njeh si “familjarë të mirë dhe njerëz të përkushtuar ndaj familjes”, pa akuza të mëparshme që do t’i lidhnin me veprat penale që tani u atribuohen.