नेपाली कांग्रेसका सभापति गगन थापाले बिहीबार हुने प्रतिनिधि सभा सदस्य निर्वाचनमा उत्साहपूर्वक सहभागी भई आफ्नो मत प्रकट गर्न सम्पूर्ण नेपालीलाई अपिल गरेका छन् । फागु पूर्णिमा (होली) का अवसरमा सोमबार शुभकामना सन्देश जारी गर्दै उनले लोकतन्त्र संस्थागत गर्न र समुन्नत राष्ट्र निर्माणका लागि निर्वाचनमा सक्रिय सहभागिता आवश्यक रहेको बताएका छन् । निर्वाचन सफल, शान्तिपूर्ण र मर्यादित रूपमा सम्पन्न हुने विश्वास व्यक्त गर्दै उनले फागुन २१ गते हुने मतदानमा आम नागरिकलाई सहभागी भई मताधिकार प्रयोग गर्न आग्रह गरेका छन् ।