The Cambodia Daily កម្ពុជាព្រមានភាគីថៃ ដែលប្រតិដ្ឋថាប្រាសាទព្រះវិហារត្រូវបានប្រើជាទីតាំងយោធា គឺបង្កគ្រោះថ្នាក់ដល់សន្តិភាពក្នុងតំបន់
រដ្ឋាភិបាលកម្ពុជា ព្រមានភាគីដែលបានប្រតិដ្ឋថាប្រាសាទព្រះវិហារត្រូវបានប្រើជាទីតាំងយោធា គឺជាការមិនអើពើលើតថភាពផ្នែកច្បាប់ ដែលធ្វើឱ្យប៉ះពាល់ធ្ងន់ធ្ងរដល់អំណាចតុលាការអន្តរជាតិ និងបង្កគ្រោះថ្នាក់ដល់សន្តិភាពក្នុងតំបន់យ៉ាងធ្ងន់ធ្ងរ ព្រោះទីតាំងនេះពុំដែលត្រូវបានប្រើប្រាស់សម្រាប់គោលបំណងយោធាម្តងណាឡើយ។ ក្រសួងការបរទេស និងសហប្រតិបត្តិការអន្តរជាតិ បានចេញសេចក្តីថ្លែងការណ៍នៅថ្ងៃទី២៧ កុម្ភៈ ដោយប្រឆាំងដាច់អហង្ការចំពោះការលើកឡើងរបស់រដ្ឋមន្ត្រីក្រសួងការបរទេសថៃ លោក ស៊ីហាសាក់ ភួងកេតកែវ ដែលបានចោទប្រកាន់ថា ប្រទេសកម្ពុជាបានប្រើប្រាស់ប្រាសាទព្រះវិហារ ជាទីតាំងយោធា ជុំវិញសង្គ្រាមជាមួយថៃ កាលពីពេលកន្លងទៅនោះ។ ក្រសួងការបរទេសកម្ពុជា លើកឡើងថា វត្តមានរបស់ឆ្មាំសន្តិសុខកម្ពុជា ដើម្បីការពារបេតិកភណ្ឌវប្បធម៌ និងការពារអធិបតេយ្យកម្ពុជាលើទីតាំងនេះ មិនអាចបកស្រាយថាជាការប្រើប្រាស់ប្រាសាទក្នុងគោលបំណងយោធាបានឡើយ។ ប្រភពដដែល អះអាងថា ការគ្រប់គ្រងទីតាំងនេះ នៅតែស្ថិតនៅក្រោមការទទួលខុសត្រូវរបស់អាជ្ញាធរបេតិកភណ្ឌស៊ីវិលដែលមានសមត្ថកិច្ច ហើយការរៀបចំសន្តិសុខណាមួយនៅទីតាំងនេះ គឺមានការដាក់កម្រិតយ៉ាងតឹងរ៉ឹង ដែលមានលក្ខណៈរក្សាការពារ និងសមាមាត្រទៅនឹងតម្រូវការនៃការអភិរក្សការពារទីតាំងនោះ។ រាជរដ្ឋាភិបាលកម្ពុជា បញ្ជាក់ថា ក្នុងនាមជារដ្ឋភាគីនៃអនុសញ្ញាទីក្រុងឡាអេឆ្នាំ១៩៥៤ និងអនុសញ្ញាបេតិកភណ្ឌពិភពលោកឆ្នាំ១៩៧២ កម្ពុជាតែងប្រកាន់ខ្ជាប់នូវការប្ដេជ្ញាចិត្តយ៉ាងមុតមាំ និងពេញលេញក្នុងការការពារ និងថែរក្សាទីតាំង ព្រមទាំងទ្រព្យសម្បត្តិវប្បធម៌ទាំងនេះសម្រាប់តែគោលដៅសកម្មភាពសន្តិភាព វប្បធម៌ និងសាសនាប៉ុណ្ណោះ។ កាលពីថ្ងៃទី២៤ កុម្ភៈ កាសែត Thai Enquirer បានស្រង់សម្ដីរដ្ឋមន្ត្រីក្រសួងការបរទេសថៃ លោក ស៊ីហាសាក់ ភួងកេតកែវ ដែលប្រាប់នាយកអង្គការយូណេស្កូ (UNESCO) លោក […] The post កម្ពុជាព្រមានភាគីថៃ ដែលប្រតិដ្ឋថាប្រាសាទព្រះវិហារត្រូវបានប្រើជាទីតាំងយោធា គឺបង្កគ្រោះថ្នាក់ដល់សន្តិភាពក្នុងតំបន់ appeared first on The Cambodia Daily Khmer .