Американски F-15 соборен во Кувајт, се огласија САД Александра Спасеска 02.03.2026 / 08:23 Свет Американски борбен авион F-15 се урна утрово во Кувајт. Пилотот успеал безбедно да се катапултира. Иран соопшти дека неговите сили го собориле авионот. САД соопштија дека авионот бил соборен во „инцидент со пријателски оган“. BREAKING: Reports of a U.S. F-15 fighter jet having been downed over Kuwait moments ago in a friendly fire incident pic.twitter.com/rWHxiaPbl1 — Visegrád 24 (@visegrad24) March 2, 2026 На интернет кружат видеа на кои се гледа како борбениот авион ја губи контролата во воздух откако бил погоден во близина на опашката. Снимките покажуваат како авионот неконтролирано се врти неколку пати, потоа пламнува и се урива на земја. Очевидци пријавија силна експлозија по несреќата и густ црн чад што се издига од местото на настанот. BREAKING: The U.S. F-15 fighter jet pilot who was down over Kuwait moments ago in a friendly fire incident is alive. He ejected and is now being taken care of by a group of Kuwaitis pic.twitter.com/XhIZK5rUTW — Visegrád 24 (@visegrad24) March 2, 2026 Пилотот се катапултирал од авионот кратко пред падот и безбедно се спуштил со падобран. Снимките од местото на настанот го покажуваат на земја, свесен, пред да биде однесен со пикап од локалните жители. Идентитетот на пилотот сè уште не е официјално објавен. Another video shows the crash of the U.S. F-15 jet in Kuwait. pic.twitter.com/JpRsECmwJa — Clash Report (@clashreport) March 2, 2026 Тензиите на Блискиот Исток се зголемија во последните денови, а воздушниот сообраќај над неколку земји во регионот стана речиси целосно милитаризиран. Кувајт е долгогодишен сојузник на САД и една од клучните логистички точки за американската војска во Персискиот Залив. Земјата е дом на важни американски бази и складишта за опрема, а кувајтскиот воздушен простор често го користат американските и сојузничките борбени авиони за време на операциите во Ирак, Сирија и пошироко. F-15 е американски повеќенаменски борбен авион од четврта генерација, развиен во 1970-тите, но сепак еден од столбовите на американските воздухопловни сили. Познат е по своите исклучителни способности за воздушна супериорност, голема брзина (над 2,5 маха) и моќно вооружување кое вклучува ракети воздух-воздух и прецизно водени бомби. Различни верзии на F-15 ги користат и голем број сојузници на САД, вклучувајќи ги и земјите од Заливот. САД Кувајт Иран Автор/Извор А.С. Прикажи во метро On