Սաուդյան Արաբիայի պետական նավթային հսկա Aramco-ն փակել է Ռաս Թանուրի նավթավերամշակման գործարանը անօդաչուի հարվածից հետո: Թագավորության Պարսից ծոցի ափին գտնվող Ռաս Թանուրա համալիրում տեղակայված Մերձավոր Արևելքի խոշորագույն նավթավերամշակման գործարաններից մեկը՝ օրական 550 000 բարել հզորությամբ, ծառայում է որպես Սաուդյան նավթի արտահանման կարևորագույն տերմինալ: Ռաս Թանուրան փակվել է որպես նախազգուշական միջոց, և իրավիճակը վերահսկվում է, հայտնում է Reuters-ի աղբյուրը: Օբյեկտում որսացել են երկու անօդաչու թռչող սարքեր, որոնց բեկորները փոքր հրդեհ են առաջացրել, Al Arabiya հեռուստաալիքի եթերում հայտնել է Սաուդյան Արաբիայի պաշտպանության նախարարության ներկայացուցիչը՝ հավելելով, որ տուժածներ չկան: Նավթատարի փակումը կարող է մեծացնել մատակարարումների հետ կապված մտավախությունները, քանի որ Հորմուզի նեղուցով նավարկությունը, որով անցնում է նավթի համաշխարհային սպառման մոտ մեկ հինգերորդը, գործնականում դադարեցվել է: Հորմուզի նեղուցով մատակարարումների ընդհատման պատճառով նավթի գները բարձրացել են: Brent տեսակի նավթը թանկացել է առնվազն 13 տոկոսով՝ հասնելով 82 դոլարի մեկ բարելի դիմաց: Թեմայի բոլոր թարմացումներն՝ այստեղ