රට පුරා ප්‍රදේශ රැසක ඉන්ධන පිරවුම්හල්වල තොග අවසන් වීම හේතුවෙන් ඒවා තාවකාලිකව වසා දමා ඇති බව පිරවුම්හල් හිමිකරුවන් පවසති. පාරිභෝගිකයන් අනවශ්‍ය ලෙස ඉන්ධන රැස් කිරීමට පෙළඹීම හේතුවෙන් පවතින තොග ශීඝ්‍රයෙන් අවසන් වී ඇති බව ඔවුහු පෙන්වා දෙති. නව ඇණවුම් සිදු කර ඇතත්, එම තොග ලැබෙන තෙක් පිරවුම්හල් මෙලෙස වසා තැබීමට පියවර ගෙන ඇත. කෙසේ වෙතත්, මේ සම්බන්ධයෙන් අදහස් දක්වන ලංකා ඛනිජ තෙල් නීතිගත සංස්ථාව අවධාරණය කරන්නේ රට තුළ කිසිදු ඉන්ධන හිඟයක් නොමැති බවයි. සියලුම වර්ගයේ ඉන්ධන මාසයකට වැඩි කාලයක් සඳහා ප්‍රමාණවත් වන පරිදි සුරක්ෂිතව ගබඩා කර ඇති බවද සංස්ථාව සඳහන් කරයි. එමෙන්ම වර්තමානයේ පවතින මැදපෙරදිග යුදමය තත්ත්වය ශ්‍රී ලංකාවේ ඉන්ධන සැපයුමට බලපෑමක් නොකරන බවත්, මෙරට ප්‍රධාන වශයෙන් ඉන්ධන ඇණවුම් කරන්නේ සිංගප්පූරුව සහ ඉන්දියාව කේන්ද්‍ර කරගනිමින් බැවින් ජනතාව අනියත බියක් ඇති කරගත යුතු නැති බවත් ඛනිජ තෙල් නීතිගත සංස්ථාව වැඩිදුරටත් කියා සිටී.