متحدہ عرب امارات کی وزارت دفاع نے بتایا ہے کہ منگل کو ان کے فضائی دفاعی نظام نے 11 بیلسٹک میزائل اور 123 ڈرونز روکے جبکہ ایک میزائل ان کی حدود میں گرا جس سے کسی جانی نقصان کی اطلاعات نہیں ملی ہیں۔ وزارت دفاع کی جانب سے ایکس پر جاری بیان میں کہا گیا ہے کہ ’ایرانی کھلی جارحیت کے آغاز سے اب تک ملک کی جانب 186 بیلسٹک میزائل داغے گئے جن میں سے 172 میزائل تباہ کر دیے گئے، 13 میزائل سمندر میں گرے جبکہ ایک میزائل ملک کی سرزمین پر گرا۔‘ بیان کے مطابق ’اس کے علاوہ 812 ایرانی ڈرونز داخل ہوئے جن میں سے 755 کو مار گرایا گیا، جبکہ 57 ڈرون ملک کی حدود میں گرے۔‘ UAE air defences intercept 12 ballistic missiles, 123 drones: Ministry of Defence The UAE Ministry of Defence (MoD) announced that UAE air defence systems intercepted 11 ballistic missiles and 123 drones today, while one missile landed within the country’s territory without… pic.twitter.com/teihyy1oAd — وزارة الدفاع |MOD UAE (@modgovae) March 3, 2026 اس کے علاوہ متحدہ عرب امارات کی وزارت دفاع کے مطابق آٹھ کروز میزائل بھی تباہ کیے گئے ہیں۔ وزارت دفاع کا کہنا ہے کہ اس سب کے دوران ’پاکستان، نیپال اور بنگلہ دیش کا ایک، ایک شہری جان سے گیا جبکہ 68 معمولی زخمیوں کے کیسز رپورٹ ہوئے، جن میں اماراتی، مصری، ایتھوپیا، فلپائن، پاکستان، ایران، انڈیا، بنگلہ دیش، سری لنکا، آذربائیجان، یمن، یوگنڈا، اریٹریا، لبنان اور افغانستان سے تعلق رکھنے والے افراد شامل ہیں۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) وزارت نے تصدیق کی کہ ملک کے مختلف علاقوں میں سنائی دینے والی آوازیں دراصل فضائی دفاعی نظام کی جانب سے بیلسٹک میزائلوں کو روکنے کے عمل کا نتیجہ ہیں، اسی طرح لڑاکا طیاروں کی جانب سے ڈرونز اور کروز میزائلوں کو تباہ کرنے کی کارروائیوں کے باعث بھی یہ آوازیں سنائی دیں۔ ’ان کارروائیوں کے نتیجے میں بعض شہری املاک کو معمولی سے درمیانے درجے تک نقصان پہنچا۔‘ متحدہ عرب امارات کی وزارت دفاع نے اس فوجی ہدف بنانے کی شدید مذمت کرتے ہوئے اسے کھلی جارحیت اور قومی خودمختاری اور بین الاقوامی قانون کی صریح خلاف ورزی قرار دیا، اور کہا کہ ریاست اس اشتعال انگیزی کے جواب دینے اور اپنی سرزمین، عوام اور رہائشیوں کے تحفظ کے لیے تمام ضروری اقدامات کرنے کا مکمل حق محفوظ رکھتی ہے، تاکہ اپنی خودمختاری، سلامتی اور استحکام کو برقرار رکھا جا سکے اور اپنے قومی مفادات اور صلاحیتوں کا تحفظ یقینی بنایا جا سکے۔ ایران متحدہ عرب امارات وزارت دفاع کا کہنا ہے کہ اب ’پاکستان، نیپال اور بنگلہ دیش کا ایک، ایک شہری جان سے گیا جبکہ 68 معمولی زخمیوں کے کیسز رپورٹ ہوئے ہیں۔‘ انڈپینڈنٹ اردو منگل, مارچ 3, 2026 - 19:30 Main image:

متحدہ عرب امارات کے علاقے الفجیرۃ میں 3 مارچ 2026 کو ایک ڈیلیوری کرنے والا شخص سڑک کے کنارے موجود ہے جبکہ اس کے پیچھے دھواں اٹھتا دیکھا جا سکتا ہے (اے ایف پی)

ایشیا type: news related nodes: ’ہم نے میزائل آتے جاتے دیکھے‘: ایران سے پاکستانی شہریوں کی واپسی جاری فرض سمجھ کر ایران جنگ رکوانے کی سفارتی کوشش کر رہے ہیں: اسحاق ڈار ایران پر حملہ نائن الیون کے بعد عالمی تاریخ کا بڑا لمحہ SEO Title: دفاعی نظام نے اب تک 172 بیلسٹک میزائل اور 755 ڈرونز گرائے: متحدہ عرب امارات copyright: show related homepage: Hide from Homepage