कतारमा रहेको अमेरिकी सैन्य अड्डामा इरानले क्षेप्यास्त्र प्रहार गरेको छ। कतारको रक्षा मन्त्रालयका अनुसार, इरानबाट दुई वटा ब्यालिस्टिक क्षेप्यास्त्र प्रहार गरिएको थियो । तीमध्ये एउटा क्षेप्यास्त्र कतारको वायु रक्षा प्रणालीले आकाशमै खसालिदिएको थियो । अर्को क्षेप्यास्त्र भने अल उदेद एयर बेस क्षेत्रमा खसेको बताइएको छ । यो अड्डा मध्यपूर्वकै सबैभन्दा ठूलो अमेरिकी सैन्य अड्डामध्ये एक हो । कतारले यस आक्रमणमा कुनै पनि मानवीय क्षति नभएको स्पष्ट पारेको छ । यस घटनाबारे अमेरिकाले भने हालसम्म औपचारिक प्रतिक्रिया दिएको छैन ।