Тоҷикистон дар Намоишгоҳи байнулмилалии сайёҳии ITB Berlin-2026, ки аз 3 то 5 март дар пойтахти Олмон баргузор мешавад, иштирок дорад. Дар ин бора ба “Азия-Плюс” аз Кумитаи давлатии рушди сайёҳии ҷумҳурӣ хабар доданд. Дар ин намоишгоҳи сатҳи ҷаҳонӣ аз ҷониби Кумитаи рушди сайёҳии кишвар бо дастгирии ҳукумат Гӯшаи имконоти сайёҳии Тоҷикистон бо сабку усули миллӣ амал мекунад.