ज्येष्ठ अभिनेत्री वर्षा उसगांवकर आणि मृणालिनी जांभळे यांच्यासह अनेकांची लाखो रुपयांची फसवणूक झाली आहे. दिग्दर्शक जाधव याने त्यांना डोंबिवलीतील प्रकल्पात गुंतवणुकीचे आमिष दाखवून चांगल्या परताव्याचे वचन दिले होते. सुरुवातीला काही पैसे दिल्यावर नंतर त्याने परतावा देणे बंद केले. तक्रारदारांनी शिवाजी पार्क पोलिसांत तक्रार नोंदवली असून, जाधवविरोधात गुन्हा दाखल करण्यात आला आहे. पोलीस या प्रकरणाचा तपास करत आहेत.