Најдобрата тенисерка на светот, Арина Сабаленка, го кажа судбоносното „да“ на својот партнер Георгиос Франгулис. Бразилскиот бизнисмен со грчко потекло, со кого Сабаленка е во врска речиси две години, ѝ приреди романтично изненадување пред турнирот во Индијан Велс, каде што Белорусинката ќе се појави како прва носителка. -Конечно можам да го наречам нешто друго...вереник, напиша Сабаленка објавувајќи фотографии од запросувањето. View this post on Instagram A post shared by Aryna Sabalenka (@arynasabalenka) Вереничкиот прстен со голем дијамант привлече посебно внимание. Сабаленка не ја тргнува насмевката од лицето, а во видео објавено на WTA, вели дека запросувањето било вистинско изненадување кое не го очекувала во моментот, па шеговито додава дека тоа се гледа и по гардеробата која ја носела.