The Cambodia Daily លោក ហ៊ុន ម៉ាណែត បញ្ជាឱ្យលុបបំបាត់មជ្ឈមណ្ឌលឆបោកតាមអនឡាញឱ្យអស់ទាំងស្រុងត្រឹមខែមេសា
ប្រមុខរដ្ឋាភិបាលកម្ពុជា លោក ហ៊ុន ម៉ាណែត ប្រកាសជាលើកទីមួយក្នុងការលុបបំបាត់មជ្ឈមណ្ឌលឆបោកតាមអនឡាញឱ្យអស់ពីកម្ពុជាទាំងស្រុង ត្រឹមខែមេសា ឆ្នាំ២០២៦។ ថ្លែងនៅក្នុងសុន្ទរកថាបើកកិច្ចប្រជុំកំពូលធុរកិច្ចអាស៊ានឆ្នាំ២០២៦ ដែលមានធុរជនរាប់រយនាក់មកពីបណ្តាប្រទេសក្នុងតំបន់អាស៊ាន លោក ហ៊ុន ម៉ាណែត បានបញ្ជាក់ថា រាជរដ្ឋាភិបាលបានសម្រេចផ្លាស់ប្ដូរយ៉ាងម៉ឺងម៉ាត់នូវគោលនយោបាយជាតិពីការទប់ស្កាត់ឱ្យទៅជាការលុបបំបាត់ទាំងស្រុងនូវមជ្ឈមណ្ឌលឆបោកតាមអនឡាញឱ្យអស់ត្រឹមខែមេសា ឆ្នាំ២០២៦។ លោក ហ៊ុន ម៉ាណែត បន្ថែមថា ការប្ដេជ្ញានេះ គឺជាផ្នែកនៃកិច្ចខិតខំប្រឹងប្រែងរបស់កម្ពុជា ក្នុងការពង្រឹងវិធានការច្បាប់ និងការពារបន្ថែមទៀតនូវសុចរិតភាពក្នុងការវិនិយោគ។ លោក ហ៊ុន ម៉ាណែត ព្រមានថា ឧក្រិដ្ឋកម្មអនឡាញនេះមិនត្រឹមតែបានសម្អុយកេរ្តិ៍ឈ្មោះកម្ពុជានៅក្នុងឆាកអន្តរជាតិប៉ុណ្ណោះទេ ប៉ុន្តែក៏កំពុងបំផ្លាញសេដ្ឋកិច្ចស្មោះត្រង់ប្រទេសដ៏តូចមួយក្នុងសហគមន៍អាស៊ានដែរ។ ពាក់ព័ន្ធនឹងបទល្មើសឆបោកតាមប្រព័ន្ធអនឡាញនេះ លោក ទូច សុឃៈ អ្នកនាំពាក្យរងក្រសួងមហាផ្ទៃ បានឱ្យដឹងថា កាលពីរសៀលថ្ងៃទី៣ ខែមីនា ឆ្នាំ២០២៦ ក្រសួងមហាផ្ទៃបានបើកកិច្ចប្រជុំបូកសរុបលទ្ធផលសកម្មភាពការងារបង្ក្រាបបទល្មើសឆបោកតាមប្រព័ន្ធអនឡាញ និងត្រួតពិនិត្យទីតាំងការប្រមូលផ្ដុំ។ លោកបន្តថា ជាលទ្ធផល ចាប់ពីថ្ងៃទី១៣ ខែកុម្ភៈ ដល់ថ្ងៃទី២៨ ខែកុម្ភៈ ការបង្ក្រាប និងបោសសម្អាតនៅទូទាំងប្រទេស បានចំនួន ២១លើក ក្នុងនោះឃាត់ខ្លួនបានមនុស្សចំនួន ៤១៩នាក់ ស្មើនឹង ១២សញ្ជាតិ។ ជុំវិញបញ្ហានេះ […] The post លោក ហ៊ុន ម៉ាណែត បញ្ជាឱ្យលុបបំបាត់មជ្ឈមណ្ឌលឆបោកតាមអនឡាញឱ្យអស់ទាំងស្រុងត្រឹមខែមេសា appeared first on The Cambodia Daily Khmer .