O equipo da redacción de Faro en Pontevedra recibiu este xoves unha visita moi especial: a do lobo Orbil ("libro" lido en sentido inverso), que veu para anunciar o inicio mañá venres do XXVII Salón Internacional do Libro Infantil e Xuvenil de Pontevedra. A cita coa lectura, que leva por título este ano "Que non pare a música!", celebrarase ata o vindeiro 22 de marzo no Pazo da Cultura de Pontevedra e ten como país convidado a Palestina.